વિધાનસભા / ગુજરાતની ખાનગી એન્જિનિંયરીંગ કોલેજ સંચાલકોને બખ્ખા, હવેથી 50 ટકા સીટો મેનેજમેન્ટ ક્વોટાથી ભરી શકશે

• 50 ટકા બેઠકોને વધારી દેવાઇ
• મેનેજમેન્ટ ક્વોટામાં વધારો કરાયો 
• 3 વર્ષે ફીમાં 5 ટકા વધારાની જોગવાઇ

છેલ્લા કેટલાક વર્ષોથી ડિગ્રી-ડિપ્લોમા ઈજનેરી સહિતના કોર્સમાં હજારો બેઠકો ખાલી રહે છે. આ ખાલી રહેતી બેઠકો ભરવા માટે રાજ્ય સરકારે ટેકનિકલ શિક્ષણ નિયમોમાં સુધારો કરતુ બિલ લાવી છે. જે અંતર્ગત રાજ્યની તમામ ખાનગી ટેકનિકલ કોલેજો-યુનિ.ને હવે 50 ટકા મેનેજમેનટ્ ક્વોટા રાખવાની છુટ અપાશે. જેથી હવે ખાનગી કોલેજો-યુનિ.ઓ પોતાની રીતે 50 ટકા બેઠકો ભરી શકશે. જે અગાઉ 5 ટકા જ રાજ્ય બહારના વિદ્યાર્થીઓ એડમિશનમા લઈ શકાતા તે હવે 50 ટકા સુધી ભરી શકાશે.

ટેક્નિકલ શૈક્ષણિક કોલેજોનું સુધારક વિધેયક ગૃહમાં રજુ થયું હતું. 50 ટકા બેઠકોને કોલેજોના મેનેજમેન્ટ કવોટામાં વધારી દેવામાં આવી છે. જૂના નિયમ પ્રમાણે કોલેજોમાં 25 ટકા મેનેજમેન્ટ ક્વોટા હતો. હવે આ મેનેજમેન્ટ ક્વોટામાં વધારો કરી 50 ટકા કરી દેવામાં આવ્યો છે. 

દર 3 વર્ષે ફીમાં 5 ટકાનો વધારો કરવાની બીલમાં જોગવાઇ છે. અન્ય રાજ્યના વિદ્યાર્થીઓને ટેક્નિકલ કોલેજોમાં પ્રવેશ મળી શકશે. આથી ખાનગી કોલેજોને મોટો ફાયદો થશે.