ગાંધીનગર / 2022ની વિધાનસભા ચૂંટણીઃ બે વર્ષના લાંબા સમય ગાળા બાદ પ્રદેશ ભાજપની કારોબારીની બેઠક

• 28 જૂને ગુજરાત ભાજપની કારોબારી બેઠક મળશે
• બપોરે 3 વાગ્યાથી શરૂ થશે વર્ચ્યુઅલી કારોબારી બેઠક
• પ્રદેશ અધ્યક્ષ સી.આર.પાટીલના અધ્યક્ષ સ્થાને યોજાશે બેઠક

બે વર્ષના લાંબા સમય ગાળા બાદ પ્રદેશ ભાજપની કારોબારીની બેઠક મળશે. આ બેઠક પ્રદેશ અધ્યક્ષ સી. આર. પાટીલના અધ્યક્ષ સ્થાને યોજાશે. જેમાં મંત્રી મંડળના અને ભાજપના સંગઠન હોદેદારો હાજર રહેશે. પરંતુ સૌથી ખાસ એ હશે કે, આ બેઠકમાં હાજર રહેનારા તમામ લોકો વર્ચ્યુઅલી જોડાશે. પ્રદેશ ભાજપની આ કારોબારી એટલા માટે ખાસ હશે કારણ કે, આગામી વર્ષે એટલે 2022માં ગુજરાત વિધાનસભાની ચૂંટણી આવી રહી છે. અને વિધાનસભા ચૂંટણીમાં ભાજપ પોતાનો દબદબો બનાવી રાખવા માટે તમામ પ્રયાસો કરશે. એટલે આ બેઠકમાં વિધાનસભા ચૂંટણીને અનુસંધાને અનેક ઠરાવો પણ પસાર થઈ શકે છે. આ બેઠકમાં ગુજરાતના પ્રભારી ભૂપેન્દ્ર યાદવ દિલ્લીથી જોડાશે.