દેવભૂમિ દ્વારકામાં બહારથી આવેલી RSPL કંપનીની ખેડૂતો ઉપર દાદાગીરી સામે આવી છે. ગુજરાત પોલ્યુશન બોર્ડમાં વારંવારની રજૂઆત છતાં ખેડૂતોનું કોઈ સાંભળતું નથી.
વભૂમિ દ્વારકામાં બહારથી આવેલી RSPL કંપનીની દાદાગીરી
દ્વારકા તાલુકાના કુરંગામાં RSPL કંપની કરી રહી છે ખેડૂતો પર દાદાગીરી
RSPL કંપનીના બેફામ પ્રદુષણથી લોકોનો જીવ જોખમમાં
દેવભૂમિ દ્વારકામાં RSPL કંપનીની દાદાગીરી સામે આવી છે. દ્વારકા તાલુકાના કુરંગામાં RSPL કંપની ખેડૂતો પર દાદાગીરી કરી રહી છે. RSPL કંપનીના બેફામ પ્રદુષણથી લોકોનો જીવ જોખમમાં છે. અને RSPL કંપની સાથે GPCB મળીને લોકોના જીવ સાથે રમત કરી રહી છે. આસપાસના ગામોએ કંપની સામે GPCBને રજૂઆતો કરી પણ કોઈ સાંભળતું નથી. GPCBના અધિકારીઓ કંપનીઓ પાસેથી લાંચ લઈને લોકોના જીવ સાથે રમત રમી રહ્યાં છે.
હાલમાં જામનગરના GPCBના અધિકારી વહીવટના રોકડા નાણાં સાથે પકડાયા હતા. GPCBના અધિકારી સુત્રેજાને ખેડૂતોએ અને ગામના લોકોએ વારંવાર રજૂઆતો કરી હતી. ત્યારે સુત્રેજાએ કંપની સાથે મળીને કોઈ પગલા ન લેતા GPCBની કામગીરી શંકાના ઘેરામાં છે. અને ACBએ સુત્રેજાની બેહિસાબ સંપત્તિ ટાંચમાં લીધા પછી RSPL સાથેની સાંઠગાઠની શક્યતા છે.
RSPL કંપની ઘડી ડિટર્જન્ટ બનાવે છે અને વારંવાર વિવાદોમાં રહી છે. RSPL કંપનીના કારણે ખેતરના ઉભા પાકને કરોડોનું નુકસાન થયેલું છે. ખેતરોમાં ખરાબ પાણી આવ્યાના GPCBએ નમૂના વારંવાર લીધા પરંતુ કોઇ કાર્યવાહી નથી કરી. RSPLએ ખેડૂતો પર અત્યાચાર કર્યા પણ તંત્રનું ભેદી મૌન યથાવત છે.