જાહેરાત / વડોદરા અને ભાવનગરને પણ મળ્યા નવા મેયર, જાણો નામ

• 3 મનપાના મેયરના નામની જાહેરાત
• કેયુર રોકડિયા વડોદરાના મેયર બન્યા
• ભાવનગરના નવા મેયર બન્યા કિર્તીબેન દાણીધારીયા

કેયુર રોકડિયાની વડોદરાના મેયર તરીકે વરણી 

વડોદરાના નવા મેયર તરીકે કેયુર રોકડિયાની વરણી કરવામાં આવી છે. તો ડેપ્યુટી મેયર નંદાબેન જોષી બન્યા છે. જ્યારે સ્ટેન્ડિંગ કમિટીના ચેરમેન તરીકે હિતેન્દ્ર પટેલની વરણી કરવામાં આવી છે અને વડોદરા મહાપાલિકાના શાસક પક્ષના નેતા તરીકે અલ્પેશ લિંબાચિયાની પસંદગી કરવામાં આવી છે. જ્યારે દંડક તરીકે ચીરાગ બારોટની વરણી કરવામાં આવી છે.

ભાવનગરના નવા મેયર તરીકે કિર્તીબેન દાણીધારીયા

ભાવનગરના નવા મેયર તરીકે કિર્તીબેન દાણીધારીયાની વરણી કરવામાં આવી છે. ડેપ્યુટી મેયર કૃણાલ શાહ બન્યા છે. જ્યારે સ્ટેન્ડિંગ કમિટીના ચેરમેન તરીકે ધીરુભાઇ ધામેલિયાની વરણી કરવામાં આવી છે. તો ભાવનગર મહાપાલિકામાં શાસક પક્ષના નેતા તરીકે બુધાભાઈ ગોહેલની પસંદગી કરવામાં આવી છે અને મહાપાલિકામાં દંડક તરીકે પંકજસિંહ ગોહિલની વરણી કરવામાં આવી છે.

અમદાવાદના મેયર બન્યા કિરીટ પરમાર

અમદાવાદના નવા મેયર તરીકે કિરીટ પરમાર તથા ડેપ્યુટી મેયર તરીકે ગીતા પટેલના નામ પર મહોર લગાવવામાં આવી છે તો સ્ટેન્ડિંગ કમિટી ચેરમેન પદે હિતેશ બારોટ અને ભાસ્કર ભટ્ટને શાસક પક્ષના નેતા તરીકે અને દંડક તરીકે અરુણસિંહ રાજપૂતની પસંદગી કરવામાં આવી છે.

આજે જનપ્રતિનીધીઓને કરાઇ રહી છે વરણી 

તાજેતરમાં ગુજરાતમાં યોજાયેલ છ મહાનગરપાલિકાની ચૂંટણીમાં ભાજપના ભવ્ય વિજય બાદ આજથી મહાનગરપાલિકામાં મેયર અને ડેપ્યુટી મેયર, સ્ટેન્ડિંગ કમિટીના ચેરમેનની નિમણૂંક શરૂ કરવામાં આવી રહી છે. ત્યારે સૌ પ્રથમ અમદાવાદના મેયરના તથા કમિટીના સભ્યોની નામની જાહેરાત કરવામાં આવી હતી.