ગુજરાતમાં એક તરફ રાજ્યસભાની ચૂંટણીના પડઘમ વાગી રહ્યા છે અને ભાજપ-કોંગ્રેસ વચ્ચે તોડ-જોડની રાજનીતિ ચાલી રહી છે તો કોંગ્રેસ પોતાના ધારાસભ્યો ન ગુમાવે તે માટે તમામ ધારાસભ્યોને રિસોર્ટમાં મોકલવામાં આવ્યા છે. આ તમામ ઘટનાઓ વચ્ચે ભાજપે પ્રદેશ ભાજપના નવા પ્રમુખની શોધ આદરી છે.
પ્રદેશ ભાજપના નવા પ્રમુખની શોધ શરુ
જૂન મહિનામાં મળી શકે ભાજપને નવા પ્રમુખ
ઉત્તર ગુજરાત અને મધ્ય ગુજરાત હોઇ શકે નવા પ્રમુખ
ભાજપના સૂત્રો દ્વારા પ્રાપ્ત થયેલી જાણકારી પ્રમાણે, જૂન મહિનામાં જ મળી શકે ભાજપને નવા પ્રમુખ મળી શકે છે. આ પ્રમુખની પસંદગી ઉત્તર ગુજરાત અને મધ્ય ગુજરાતમાં કરવામાં આવે તેવી સંભાવનાઓ વ્યક્ત કરવામાં આવી રહી છે.
કોના નામની ચાલી રહી છે ચર્ચા
ઉલ્લેખનીય છે કે, ઓબીસી અથવા પાટિદાર સમાજમાંથી નવા પ્રમુખની પસંદગી કરવામાં આવે તેવી માહિતી પણ સૂત્રો દ્વારા પ્રાપ્ત થઇ હતી. તો હાલ નવા પ્રદેશ પ્રમુખ તરીકે હરિ ચૌધરી, શંકર ચૌધરી, મનસુખ માંડવિયા, ભુપેન્દ્રસિંહ ચુડાસમા તો ઉત્તર ગુજરાતમાંથી કે.સી.પટેલનું નામ રેસમાં આગળ હોવાનું સામે આવ્યું છે.
જીતુ વાઘાણીનો કાર્યકાળ થઇ રહ્યો છે પૂર્ણ
આપને જણાવી દઇએ કે, ભાજપના પીઢ નેતા જીતુ વાઘાણીનો કાર્યકાળ પૂર્ણ થતો હોવાથી ભાજપે ગુજરાત માટે નવા પ્રદેશ પ્રમુખની શોધ માટે અભિયાન હાથ ધર્યું છે.
રાજ્યસભાની ચૂંટણીની ચાલી રહી છે મોસમ
નોંધનીય છે કે, ગુજરાતમાં રાજ્યસભાની ચૂંટણી આંગણે આવીને ઉભી છે. તો ભાજપ પોતાના 3 ઉમેદવારને રાજ્યસભામાં મોકલવા માટે રાત-દિવસ એક કરી રહ્યું છે. આ તરફ કોંગ્રેસમાંથી અત્યાર સુધીમાં 8 ધારસભ્યોએ રાજીનામા ધરી દીધા છે. તો બાકીના ધારાસભ્યોને કોંગ્રેસે રિસોર્ટમાં મોકલી દીધા છે.