મહિલા સુરક્ષા / રાતની નોકરી છે? એકલા છો? ગભરાશો નહીં ગુજરાત પોલીસ તમારી સાથે છે

• ગુજરાત પોલીસનું  'સેફ ડ્રાઈવ ટુ હોમ' મિશન
• મહિલાઓની સુરક્ષા માટે પોલીસની સરાહનીય કામગીરી
• રાજ્યમાં બની રહેલી દુષ્કર્મની ઘટનાને પગલે પોલીસે ફરીથી થઈ સાબદી

ગુજરાત પોલીસે 'સેફ ડ્રાઈવ ટુ હોમ' મિશન શરૂ કર્યુ છે. મહિલાઓ માટે ખાસ મિશન શરૂ કરવામાં આવ્યુ છે. ગુજરાતમાં મહિલાઓ. યુવતીઓ અને બાળકીઓની સુરક્ષાને ધ્યાનમાં લઈને જ પોલીસ દ્વારા અનિચ્છનિય બનાવને ટાળવા માટે સુરક્ષાને પ્રાધાન્ય અપાઈ રહ્યુ છે. રાજ્યમાં ઝડપથી વધી રહેલા દુષ્કર્મના આંકડા ઉપર કાબૂ મેળવવા માટે તંત્ર દ્વારા એડી ચોટીનું જોર લગાવાઈ રહ્યુ છે ત્યારે ખાસ હેલ્પલાઈન નંબર જાહેર કરાયા છે જેના ઉપર ફોન કરીને મહિલાઓ મદદ માંગી શકશે. 

મહિલાઓની સુરક્ષા માટે પોલીસની કામગીરી

અમદાવાદ પોલીસ 24*7 સુરક્ષા માટે હેલ્પ લાઈન નંબર જાહેર કર્યા છે જેમાં 100 નંબર અને 181 નંબર ઉપર ફોન કરવાથી મહિલાઓને તુરંત જ ગણતરીની મિનિટોમાં સહાય પહોંચી જવાનો દાવો કરવામાં આવી રહ્યો છે જો કે આ નંબરના ફ્લોર ટેસ્ટ લેવાય તો જ ખરેખર ખબર પડે કે, ખરેખર મદદ મળે છે કે કેમ?

પોલીસે ફરીથી હેલ્પલાઈન નંબર જાહેર કર્યો

100 નંબર કે 181 નંબર ઉપર મદદ માટે ફોન કરશો તો તમને ગાડીનો બંદોબસ્ત કરીને પોલીસ સહી સલામત ઘર સુધી પહોંચાડી જશે. જો કે આ 'સેફ ડ્રાઈવ ટુ હોમ' મિશન મહિલા દિવસથી શરૂ કરવામાં આવ્યું હતુ પરંતુ દેશમાં અને રાજ્યમાં બની રહેલી દુષ્કર્મની ઘટનાને પગલે પોલીસે ફરીથી હેલ્પલાઈન નંબર જાહેર કર્યા છે.