સાયબર હુમલો / ગુજરાત પોલીસનું ટ્વીટર એકાઉન્ટ થયું હેક, ગુજરાત પોલીસના IDમાં લખી નાખ્યું એલન મસ્કનું નામ, હર્ષ સંઘવીએ કર્યું સૂચન

• ગુજરાત પોલીસનું ટ્વીટર એકાઉન્ટ થયું હેક
• ગૃહમંત્રી હર્ષ સંઘવીએ આપી માહિતી 
• કોઇ પ્રકારના ટ્વીટનો જવાબ નહી આપવા કરી અપીલ

છેલ્લાં કેટલાંક વર્ષોમાં સાયબર ગુનાઓમાં વધારો થયો છે. જેમાં મહિલાઓ અથવા યુવતીઓનો પીછો કરવો, ઓનલાઈન દુર્વ્યવહાર, બદનક્ષી, યૌન કૃત્યો, બેન્ક છેતરપિંડી, ચાઈલ્ડ પોર્નોગ્રાફી, ઓનલાઈન ગેમિંગ, અયોગ્ય રીતે વીડિયો અથવા ફોટો મોર્ફ્ડનો સમાવેશ થાય છે. ડોક્ટરિંગ, વૈવાહિક વેબસાઇટ્સમાંથી વ્યક્તિગત માહિતીની ચોરી કરવી, તેમના ફોટા અથવા વીડિયો ચોરી છૂપીથી કેપ્ચર કરવા, અશ્લીલ ફોટા કાઢવા અને વિવિધ ચેટિંગ અને ડેટિંગ એપ્સ દ્વારા છેતરપિંડી કરવી, અન્ય સાયબર ગુનાઓના કિસ્સાઓ અગાઉ પોલીસ ચોપડે નોંધાઈ ચુક્યા છે. સાયબર ક્રાઈમ દ્વારા આ બધા ગુનાઓને ડામવા પૂરતા પ્રયાસ પણ કરી રહી છે. જેથી હેકર્સે ગુજરાત પોલીસને ટ્વિટર એકાઉન્ટ હેક કરી પડકાર ફેક્યો છે.

ગુજરાત પોલીસના આઈડીમાં લખ્યું ઇલોન મસ્ક
આપને જણાવી દઈએ કે સોમવારે રાત્રે 9 30 થી 10 વાગ્યાની આસપાસ ગુજરાત પોલીસનું ટ્વીટર એકાઉન્ટ હેકર્સે હેક કરી લીધું હતું. , ગુજરાત પોલીસના આઈડીમાં ઇલોન મસ્ક લખ્યું હતું, તેમજ પ્રોફાઇલમાં પણ રોકેટનો ફોટો લગાવ્યો હતો. મહત્વનું છે કે  હેકર્સ વિરુદ્ધ પોલીસે વિશેષ અભિયાન ચલાવ્યું હતું. જેથી હેકર્સે ગુજરાત પોલીસનું એકાઉન્ટ જ હેક કરી પડકાર આપ્યો છે. સાયબર ક્રાઈમ વિભાગની કાર્યવાહીથી હેકર્સ પરેશાન હતા જેથી ગુજરાત પોલીસનું આઈડી હેક કરવાની કારતૂત કરી છે. 
 

હર્ષ સંઘવીએ ટ્વીટ કરી શું કહ્યું?
ગુજરાત પોલીસનું ઓફિશિયલ હેન્ડલ (ટ્વીટર) હેક કરવામાં આવ્યું છે તે દરેકને જાણ કરવા માટે આ છે.આગળની સૂચના સુધી તેમના દ્વારા શેર કરાયેલા સંદેશાઓ અથવા કોઈપણ માહિતીનો જવાબ ન આપવા વિનંતી.

IMPORTANT

This is to make everyone aware that the official handle (Twitter) of Gujarat Police has been hacked.
Requesting not to respond to the messages or any information shared by them till the further notice.

Thank You 🙏

— Harsh Sanghavi (@sanghaviharsh) July 11, 2022

ટ્વીટર એકાઉન્ટ હવે સેફ કરી લેવાયું
જો કે ગણતરીની મિનિટોમાં જ હેકર્સની આ કારનામા પર પાણી ફેરવી દીધું છે. ફરી હવે પૂરતો કંટ્રોલ ટ્વીટર એકાઉન્ટનો ગુજરાત પોલીસનાં હાથમાં આવી ગયો છે.