ગર્વ / ગૌરવંતી બની ગુજરાત પોલીસ, ઉપરાષ્ટ્રપતિના હસ્તે મળ્યું 'પ્રેસિડેન્ટ્સ કલર્સ' સન્માન

• ગુજરાત પોલીસનું પ્રેસિડેન્ટ્સ કલર્સથી સન્માન
•  ઉપરાષ્ટ્રપતિની ખાસ ઉપસ્થિતિમાં ગાંધીનગર ખાતે યોજાયો કાર્યક્રમ
• સન્માન મેળવનાર ગુજરાત 8મું રાજ્ય

આ સન્માન મેળવનાર ગુજરાત 8મું રાજ્ય બન્યું છે. નોંધનીય છે આ અગાઉ દિલ્હી, મહારાષ્ટ્ર, તામિલનાડુ, હિમાચલ પ્રદેશ સહિત દેશની 7 રાજ્યની પોલીસને આ સન્માન પ્રાપ્ત થઇ ચૂક્યા છે. 

નિશાન, ધ્વજ અને પ્રતિક બનશે ગુજરાત પોલીસના સમ્માનની નવી ઓળખ. #NISHAANPradan #PresidentsColour #GujaratPolice pic.twitter.com/KCPa4UEPpq

— Ahmedabad Police (@AhmedabadPolice) December 15, 2019

ગાંધીનગર ખાતે યોજાયે સન્માન સમારોહ 

ઉપ રાષ્ટ્રપતિ વૈંકયા નાયડુંની વિશેષ ઉપસ્થિતિમાં ગાંધીનગર ખાતે આ કાર્યક્રમનું આયોજન કરવામાં આવ્યું હતું. આ કાર્યક્રમમાં રાજ્યના ગવર્નર દેવવ્રત આચાર્ય, મુખ્યપ્રધાન વિજય રૂપાણી, નાયબ મુખ્યમંત્રી નીતિન પટેલ, ગૃહ રાજ્યમંત્રી પ્રદિપ સિંહ જાડેજા સહિતના અનેક નેતાઓ તથા પોલીસ અધિકારીઓ ખાસ ઉપસ્થિત રહ્યા હતા.  

કેમ અપાય છે ‘પ્રેસિડેન્ટ્સ કલર્સ’ ?

રાષ્ટ્રની મિલ્ટ્રી ફોર્સ, પેરા મિલ્ટ્રી ફોર્સ તથા પોલીસ ફોર્સ જેને 25 વર્ષ થઈ ચૂક્યા હોય તે ‘પ્રેસિડેન્ટ્સ કલર્સ’ માટે એપ્લાય કરી શકે છે. ‘પ્રેસિડેન્ટ્સ કલર્સ’ એ બાબતનું પ્રતિક છે કે આ પોલીસ ફોર્સ ગુણવત્તા, સેવા અને સુવિધા પૂરી પાડવામાં સૌથી આગળ છે. જે પોલીસ ફોર્સ ‘પ્રેસિડેન્ટ્સ કલર્સ’ મેળવે છે. તે રાજ્યની પોલીસ માટે શ્રેષ્ઠ સન્માન માનવામાં આવતું હોય છે.

‘પ્રેસિડેન્ટ્સ કલર્સ’ માટે કેવી હોય છે પ્રોસેસ ?

‘પ્રેસિડેન્ટ્સ કલર્સ’ આપવા માટે કેન્દ્રીય સ્તરની એક કમિટી હોય છે. જેમાં 8 રાજ્યના પોલીસ વડા જોડાયેલા હોય છે. કોઈ પણ ફોર્સ કે રાજ્યની પોલીસ ‘પ્રેસિડેન્ટ્સ કલર્સ’ માટે અરજી કરે તો તે અરજી આ 8 રાજ્યના પોલીસ વડાની કમિટી પાસે જાય છે. કમિટી તેનો સ્વીકાર કરે ત્યારબાદ હોમ સેક્રેટરી પાસે મોકલવામાં આવે છે.