VIDEO / આરોગ્યમંત્રીના દીકરાને પાઠ ભણાવનાર મહિલા પોલીસ સુનિતા યાદવે ખુદ તોડ્યા નિયમો

• વિવાદાસ્પદ એલ આર સુનિતા યાદવનો વધુ એક વિવાદ
• મોર્નિંગ વોક કરતી વખતે માસ્ક ઉતારી કર્યું લાઈવ 
• ઉકાળાનું વિતરણ કરતા વૃદ્ધ નો ઇન્ટરવ્યૂ પણ કર્યો

વિવાદાસ્પદ મહિલા પોલીસ સુનિતા યાદવનો વધુ એક વીડિયો વાયરલ થયો છે. સુનિતા યાદવ આરોગ્યમંત્રી કુમાર કાનાણીના દીકરા પ્રકાશ કાનાણીને માસ્ક મુદ્દે અને કરફ્યુ મુદ્દે અટકાવ્યા હતા અને આ ઘટનાનો વીડિયો વાયરલ થતા લાઈમ લાઈટમાં આવ્યા હતા ત્યારે એ બાદ પણ જાત જાતના નિવેદન આપી સુનિતા યાદવ સતત વિવાદમાં રહે છે આ જે એકવાર ફરી તેમણે વિવાદનો મધપૂડો છેડ્યો હતો. 

સુનિતા યાદવે મોર્નિંગ વોક કરતી વખતે માસ્ક ઉતારી લાઈવ કર્યું હતુ. ઉકાળાનું વિતરણ કરતા વૃદ્ધ નો ઇન્ટરવ્યૂ પણ કર્યો હતો. એટલું જ નહીં સામાજીક અંતરને ભૂલી લોકો સાથે સેલ્ફી પણ પડાવી હતી. માસ્ક અને સામાજીક અંતરને મામલે સુનિતા ફરીથી  વિવાદમાં આવી હતી.