ગૃહ વિભાગ દ્વારા પોલીસ ખાતામાં વિવિધ પોસ્ટ પર મોટા પ્રમાણમાં ભરતીની જાહેરાત કરી છે. લોકરક્ષક ભરતી બોર્ડ દ્વારા શારીરિક કસોટી દિવાળી બાદ નવેમ્બરમાં શરૂ કરવાની પણ સંભાવનાઓ વ્યક્ત કરી છે.
શારીરિક કસોટી નવેમ્બરમાં શરૂ કરવાની પણ સંભાવનાઓ
ભરતીમાં અંદાજે 10 લાખ કરતા વધુ ઉમેદવારો ભાગ લે તેવી શક્યતા
સરકારી નોકરીની તૈયારીઓ કરતા યુવાનો માટે આ ભરતી મોટી રાહત સમાન
સરકારી નોકરી મેળવવા ઇચ્છુક ગુજરાતનું નવ યુવાધન તનતોડ મહેનતમાં લાગુ ચૂક્યું છે. 27,847 પદો પર ભરતીની સરકારે જાહેરાત કરી છે. આ તક ચુકાઇ ન જાય તે માટે યુવા ઉમેદવારો આરામ ત્યજીને પુરજોશમાં તૈયારીઓ શરૂ કરી દીધી છે.
ભરતીમાં અંદાજે 10 લાખ કરતા વધુ ઉમેદવારો ભાગ લે તેવી શક્યતા
પોલીસ ભરતીમાં સૌથી મહત્વની દોડ હોય છે. 25 મિનિટમાં 5 કિલોમીટરની દોડ પુરી કરવાનું લક્ષ્ય પાર પાડવા માટે થઇને યુવાનો નદીના પટમાં, રોડ પર, પથ્થરોવાળી જગ્યા, ખાડાવાળી જગ્યાઓ પર દોડ લગાવી પોતાને તૈયાર કરી રહ્યાં છે. ભરતીમાં પણ 15 ઘણાના નિયમને લઇ દોડ ઝડપી પુરી કરી કરવા માટે યુવાનોનો પ્રયાસ અને તેના માટે પોતાને તૈયાર કરવા એ સૌથી મોટો પડકાર બની રહે છે. આ ભરતીમાં અંદાજે 10 લાખ કરતા વધુ ઉમેદવારો ભાગ લે તેવી શક્યતા છે.
સરકારી નોકરીની તૈયારીઓ કરતા યુવાનો માટે આ ભરતી મોટી રાહત સમાન
લાંબા સમયથી પોલીસ વિભાગ ભરતીઓ પેન્ડિંગ હતી. જે ભરતીઓ થઇ તેમાં પણ ઓછી સંખ્યામાં ઉમેદવારોને પસંદ કરવામાં, કોઇને કોઇ કારણોસર ભરતી પ્રક્રિયા ખોરંભે ચડાઇ હતી. કાયદાકીય વિવાદો, પેપર લીક જેવા અનેક પરીબળોનો સામનો કરી લાંબા સમયથી સરકારી નોકરીની તૈયારીઓ કરતા યુવાનો માટે આ ભરતી મોટી રાહત સમાન છે. તેઓ પોતાનું સર્વસ્વ આપીને પણ પોલીસ વિભાગમાં નોકરી લેવા માટે ઉત્સુક છે. વહેલી સવારે ઉઠીને દોડ તેમજ વિવિધ કસરતો કરી પોતાને લાયક બનાવવા માટે યુવાઓ તનતોડ મહેનત કરી રહ્યાં છે.
પોલીસ ભરતીમાં તૈયારી કરતા યુવાનો માની રહ્યા છે કે દોડમાં ઉંચા માર્કસ મેળવનાર ઉમેદવારોના 15 ગણા વધુ ઉમેદવારોને લેખીત પરીક્ષા માટે તક આપવામાં આવે છે, આવું ન હોવું જોઇએ. પરંતુ આ પ્રક્રિયાથી ઉમેદવારો નિરાશ છે તેઓનું કહેવુ છે કે ભાઈઓ માટે પાંચ કિલોમીટર દોડ માટે 25 મીનીટનો સમય હોય છે અને 25 મીનીટમાં જે ઉમેદવારો દોડ પુર્ણ કરે તેમને તમામને તક મળવી જોઈએ. પુરષ ઉમેદવાર 25 મિનિટમાં 5 km અને 9.30 મિનિટમાં 1600 મીટર દોડ પૂર્ણ કરનાર મહિલા ઉમેદવારોનું મેરીટ લિસ્ટ બનાવાશે. અગાઉ દોડમાં પાસ થનાર ઉમેદવારોનું મેરિટ લિસ્ટ નહોતું બનાવાતું. તેમનો સીધો સમાવેશ આગામી કસોટી માટે કરાતો હતો.
માત્ર શારીરિક ક્ષમતાથી જ મેરીટ બનાવાશે તો નોલેજેબલ ઉમેદવારો મળવા મુશ્કેલ!
માત્ર શારીરિક ક્ષમતાથી જ મેરીટ બનાવાશે તો નોલેજેબલ ઉમેદવારો મળવા મુશ્કેલ બનશે, નિશ્ચિત સમયમાં દોડ પૂર્ણ કરનાર તમામ ઉમેદવારો સક્ષમ જ હોય છે. અગાઉ દોડમાં જે નિશ્ચિત સમયમાં પાસ થતા હતા તે તમામનો આગામી કસોટીમાં સમાવેશ થતો હતો. પરંતુ હાલ જે પાસ થશે એમાં પણ મેરીટ બનાવાશે એવો બદલાવ કરાયો છે, જે યોગ્ય નથી. ઉમેદવારોની સરકારને વિનંતી છે કે એમાં વિચારણા કરી નિયમમાં બદલાવ કરે.
સાથે જ યુવાનો આશા રાખી રહ્યાં છે કે, આ ભરતી પ્રક્રિયા કોઇ પણ વિઘ્ન કે વિવાદ વિના પારદર્શક રીતે પૂર્ણ થાય. સરકારે 100 દિવસમાં સમગ્ર ભરતી પ્રક્રિયા પૂર્ણ કરવા માટેની જાહેરાત કરી છે. ત્યારે ઉમેદવારો પણ પોતાને આગામી 100 દિવસ માટે એકદમ ફીટ અને તૈયાર રાખવા માટે મહામહેનત કરી રહ્યાં છે.