વિશ્વ જ્યારે મહામારી સામે લડી રહ્યું છે ત્યારs એક પોલીસકર્મી ખુદ માસ્ક વગર કાર્યવાહી કરતો નજરે પડ્યો છે.
ભરૂચમાં માસ્ક માટે પોલીસની કાર્યવાહી
માસ્ક વિનાના પોલીસકર્મી કરે છે કાર્યવાહી
ફ્રૂટની લારીઓ પર પોલીસકર્મીએ દંડા માર્યા
ભરૂચમાં માસ્ક માટે પોલીસની કડક કાર્યવાહી સામે આવી છે. પણ આ કાર્યવાહીમાં મોટો ઝોલ જોવા મળ્યો હતો. ખુદ પોલીસ કર્મી જ માસ્ક વિના કાર્યવાહી કરતા નજરે પડ્યા હતા. ભરૂચમાં ફ્રૂટની લારીઓ પર પોલીસકર્મીએ દંડા માર્યા હતા અને ફેરીયાને ડરાવી મૂક્યો હતો. આ ઘટનાનો વીડિયો વાયરલ થયો હચો જેમાં સાફ દેખાતું હતુ કે, પોલીસકર્મીએ માસ્ક નથી પહોર્યુ. જેને પગલે ભરૂચ બી ડિવિઝન પોલીસ સામે સ્થાનિકોનો રોષ જોવા મળ્યો હતો.
ગુજરાતમાં કોરોનાની સ્થિતિ?
ગઈકાલે કોરોનાના 890 નવા કેસ સામે આવ્યા છે. જેથી ગુજરાતમાં અત્યાર સુધીમાં 2,40,995 દર્દીઓ નોંધાઇ ચૂક્યા છે. રાજ્યમાં કોરોનાથી સાજા થવાનો દર 93.86 ટકા થયો છે. તો ગુજરાતમાં આજે 53,539 ટેસ્ટ કરવામાં આવ્યા છે. જેથી અત્યાર સુધીમાં કુલ 93,84,030 ટેસ્ટ કરવામાં આવ્યા છે. જોકે પહેલા કરતા કોરોનાના ટેસ્ટની સંખ્યા ઘટાડી દેવામાં આવી છે.
રાજ્યના સ્વાસ્થ્ય વિભાગ દ્વારા જાહેર કરવામાં આવેલી માહિતી અનુસાર, રાજ્યમાં આજે 1002 સાજા થયાં અને અત્યાર સુધીમાં કુલ 2,26,208 દર્દીઓ સાજા થયાં છે. આજે કોવિડ-19થી 7 દર્દીઓના મોત થવા પર રાજ્યમાં કોરોનાથી મૃત્યુ પામનારાઓની સંખ્યા વધીને 4275 થઇ ગઇ છે. તો હાલ 10,512એક્ટિવ કેસ છે. જેમાંથી 61 દર્દીઓ વેન્ટિલેટર પર છે.
તારીખ
કોરોનાના કેસ
1 જૂન
423
1 જૂલાઇ
675
1 ઓગસ્ટ
1136
1 સપ્ટેમ્બર
1310
1 ઓક્ટોબર
1351
1 નવેમ્બર
860
2 નવેમ્બર
875
21 નવેમ્બર
1515
27 નવેમ્બર
1607
1 ડિસેમ્બર
1477
3 ડિસેમ્બર
1540
21 ડિસેમ્બર
960
26 ડિસેમ્બર
890
ગુજરાતમાં આજે 7 દર્દીના મોત
રાજ્યમાં આજે અમદાવાદમાં 4, સુરતમાં 2, રાજકોટમાં 1, મહેસાણામાં 24 કલાક દરમિયાન કુલ 7 લોકોના કોરોનાથી મોત થયા છે. ત્યારે છેલ્લા કેટલાક મહિનાઓથી સૌથી વધુ દર્દીઓના અમદાવાદમાં મૃત્યુ થઇ રહ્યા છે.
મહાનગરોમાં કેસ ઘટ્યા! અમદાવાદ શહેરમાં 185 પોઝિટિવ
રાજ્યમાં આજે અમદાવાદ શહેરમાં 178-ગ્રામ્યમાં 7 કેસ, સુરત શહેરમાં 128-ગ્રામ્યમાં 36 કેસ, વડોદરા શહેરમાં 108-ગ્રામ્યમાં 31 કેસ, રાજકોટ શહેરમાં 58-ગ્રામ્યમાં 20 કેસ અને કચ્છમાં આજે 29 કેસ નોંધાયા છે.