ગુજરાત સરકારના ગૃહવિભાગ દ્વારા રાજ્યના પોલીસબેડામાં કેટલાક મોટાપાયે ફેરફાર કરવામાં આવ્યા છે. કેટલાક અધિકારીઓની બદલી તો કેટલાક અધિકારીને બઢતી આપવામાં આવી છે.
ગુજરાતના પોલીસબેડામાં મોટા ફેરફાર
ગૃહવિભાગે રાજ્યના કેટલાક પોલીસ અધિકારીઓની બઢતી સાથે કરી બદલી
અમદાવાદ ટ્રાફિક પોલીસના વડા તરીકે ભગીરથ ટી ગઢવીની નિમણૂંક
મળતી જાણકારી પ્રમાણે, પોલીસ ઇન્સ્પેક્ટર આઇ.એમ કોંઢીયાને ગુજરાત રેલવેના નાયબ પોલીસ અધિક્ષક તરીકે નિમણૂંક આપવામાં આવેલ છે. આ સાથે જ પોલીસ ઇન્સ્પેક્ટર આર.એ.ડોડીયાને બઢતી આપીને અમદાવાદ મહાનગર પાલિકાના સિક્યોરિટી સુપરીટેન્ડન્ટ બનાનનામાં આવ્યા છે.
ગૃહ વિભાગ દ્વારા જાહેર કરવામાં આદેશ અનુસાર, આ તમામ અધિકારીઓને તાત્કાલિક અસરથી પોતાની જગ્યાએથી છૂટા કરવાના અને નિમણૂક કરાયેલ નવી જગ્યાએ હાજર થવાનું કહેવામાં આવ્યું છે.
પોલીસ અધિક્ષકની પણ કરાઇ બદલી
તો આ તરફ રાજ્યના પોલીસ વિભાગના પોલીસ અધિક્ષકની પણ જાહેરહિતને ધ્યાનમાં રાખીને બઢતી સાથે બદલી કરવામાં આવી છે.
જાણો કયા અધિકારીની ક્યાં થઇ બદલી ?
જયરાજસિંહ વી વાળા જેઓ વડોદરા ખાતે ઇન્ટેલીજન્સમાં પોલીસ અધિક્ષક હતા તેમને વડોદરા ઝોન-2ના નાયબ પોલીસ કમિશનર તરીકે બઢતી સાથે બદલી કરવામાં આવી છે. તો ગાંધીનગર ઇન્ટેલીજન્સના પોલીસ વડા ભગીરથ ટી ગઢવીને અમદાવાદ પૂર્વ વિસ્તારના ટ્રાફિક વિભાગના પોલીસ કમિશનર બનાવવામાં આવ્યા છે.
ગુજરાત રેલવે પોલીસ અમદાવાદ ખાતે ફરજ બજાવતા નિલમબેન ગોસ્વામીને જામખંભાળિયા(દ્વારકા)ના નાયબ પોલીસ અધિક્ષક બનાવવામાં આવ્યા છે. તો ગાંધીનગર IBમાં VIP સિક્યુરિટીના નાયબ પોલીસ અધિક્ષક જગદીશ સિંહ ભંડારીને બઢતી સાથે અમરેલી જિલ્લાના વિભાગીય પોલીસ અધિકારી તરીકે નિમણૂંક કરવામાં આવી છે.