લોકરક્ષક દળની પરીક્ષા આપી અને પાસ થયેલા ઉમેદવારો ફાઈનલ મેરિટ લીસ્ટ અને કોલ લેટરની રાહ જોઈ રહ્યાં છે. પરંતુ સરકારી પ્રક્રિયામાં અટવાયેલી ભરતીને પાટે ચડાવવી મુશ્કેલ છે. લોકરક્ષક દળની પરીક્ષા લોકરક્ષક ભરતી બોર્ડે લીધી હતી, આ બોર્ડે ખૂબ સુંદર કામગીરી કરી છે.
લોકરક્ષક દળની પરીક્ષા આપી અને પાસ થયેલા ઉમેદવારો ફાઈનલ મેરિટ લીસ્ટ અને કોલ લેટરની રાહ જોઈ રહ્યાં છે. પરંતુ સરકારી પ્રક્રિયામાં અટવાયેલી ભરતીને પાટે ચડાવવી મુશ્કેલ છે. લોકરક્ષક દળની પરીક્ષા લોકરક્ષક ભરતી બોર્ડે લીધી હતી, આ બોર્ડે ખૂબ સુંદર કામગીરી કરી છે.
બોર્ડની અંતર્ગત આવતા તમામ કામ ફટાફટ પૂર્ણ થયા પરંતુ એક કામ આદિજાતી વિકાસ કમિશનરના હવાલે થયું છે જેના કારણે લોકરક્ષકના ઉમેદવારો થાક્યા છે. વાસ્તવમાં સાડા નવ હજારની જગ્યા સામે બોર્ડે 15 હજાર ઉમેદવારોના પ્રમાણપત્રો ચકાસવાનો નિર્ણય લીધો.
જેથી ફાઈનલ મેરિટમાં નામ આવ્યા પછી હાજર ન થાય તો બાકીના ઉમેદવારને જલ્દીથી બોલાવી શકાય અને તેમના પ્રમાણપત્રો ચકાસવાની જરૂર પડે નહી. 15 હજારમાંથી 12 હજાર ઉમેદવારો જે OBC, SC અને સામાન્ય કેટેગરીના હતા તેમના પ્રમાણપત્રો ભરતી બોર્ડે જાતે તેના નિરિક્ષણમાં તપાસ્યા. એટલે કે ભરતી બોર્ડે જિલ્લાવાર DDOને કામગીરી સોંપી અને માત્ર 2 દિવસમાં તમામ 12 હજાર ઉમેદવારોના પ્રમાણપત્રો ચકાસી લેવામાં આવ્યા.
પરંતુ 3 હજાર ST ઉમેદવારોના પ્રમાણપત્રોની ચકાસણી ગાંધીનગર સ્થિત આદિજાતી વિકાસ કમિશનરને સોંપવામાં આવી જેમાં વિલંબ થઈ રહ્યો છે. વિકાસ કમિશનરની કચેરી કહી રહી છે કે તેમને હજુ 3 મહિનાનો સમય લાગશે. આ વિલંબથી લોકરક્ષક દળના ઉમેદવારોની ધીરજ ખૂટી છે. જેમને આગળ શું કરવું તેનો કોઈ રસ્તો મળતો નથી.