ઉલ્લંઘન / તમારા પાસેથી દંડ વસૂલતી ટ્રાફિક પોલીસના આ ફોટો જોઈને ગુસ્સો આવશે

વિદ્યાર્થી અને વાહનચાલકો હેલ્મેટ પહેર્યા વગર ટુ વ્હીલર ચલાવે તો ટ્રાફિક પોલીસ તેમની પાસેથી ૧૦૦ રૂપિયાનો દંડ વસૂલ કરે છે જ્યારે શહેરના જ કેટલાક વિસ્તારમાં પોલીસ કર્મચારી હેલ્મેટ પહેર્યા વગર વાહન ચલાવે છે અને તેમની સામે કોઈ કાર્યવાહી થતી ન હોવાથી વિદ્યાર્થીઓ તથા વાહનચાલકોમાં રોષની લાગણી જોવા મળી રહી છે.
 

આમ, કાયદાના પાલનની જવાબદારી જેમના શિરે છે તેઓ કાયદાનો ભંગ કરે છે અને અન્ય વાહનચાલકો  દંડાય છે એવું જોવા મળે છે.
 

ઉલ્લેખનીય છે કે પોલીસ કર્મચારી અને અધિકારીઓ માટે પણ ટુવ્હીલર પર હેલ્મેટ પહેરવી ફરજિયાત હોવા છતાં પોલીસ કમિશનરના આદેશનું પાલન નહીં થતું હોવાની આ તસવીરો ચાડી ખાય છે.