આવાસમાં પાણી-સફાઈ સહિતની સુવિધાઓનો છે અભાવ, 20 હજારમાં ઘર ચલાવવું છે મુશ્કેલ
પોલીસ પરિવારો સાથે વીટીવીની મુલાકાત
દયનીય પરિસ્થિતિમાં રહે છે પરિવારો
ખંડેર ઘરોમાં વસવાટ કરવા મજબૂર
જ્યારે દેશમાં કે, રાજ્યાં કાયદો-વ્યવસ્થાની સ્થિતિ બગડે કે, વિરોધ આંદોલનો થાય ત્યારે પોલીસ અડગ રહી પોતાની ફરજ અદા કરે.પરંતુ હવે આજ પોલીસને પોતાના હક માટે વિરોધનો માર્ગ પકડવો પડે તો..? આવું જ કાંઈક ગુજરાતમાં થઈ રહ્યું છે.. પોલીસ કર્મીઓ અને તેમના પરિવારજનો ગ્રેડ-પેને લઈને આંદોલન પર ઉતર્યા છે.. તેવામાં આજે વીટીવી ન્યૂઝ એ જાણવા માટે તેમના આવાસ સુધી પહોંચ્યું હતું.. કે, તેમની માગ શા માટે છે.
ખંડેર ઘરોમાં વસવાટ કરવા મજબૂર
જનતાની સુરક્ષા કરતા પોલીસ કર્મીઓ હર હંમેશ સેવામાં હાજર હોય છે તડકો ,ચોમાસુ જેવી અનેક ઋતુઓમાં પોતાની ફરજ પર અને જનતાની સેવામાં કાર્યરત રહેતા હોય છે વાર તહેવાર હોય કે કોઈ ઘટના બની હોય તમામની મદદે દોડી આવે એટલે પોલીસ કર્મી અને આ જ પોલીસ કર્મીઓની સુરક્ષા ના લીધે આપણે ઘરમાં આરામ થી સુઈ શકે છે જ્યારે આ જ પોલીસ કર્મીઓ પોતાના હક માટે મેદાનમાં છેલ્લા ઘણા સમયથી ઉતર્યા છે ત્યારે વીટીવી દ્વારા જનતાના અવાજ બનીને પોલીસ કર્મીઓના પરિવારને શું હાલત છે શા માટે ગ્રેડ પે નો માંગ ફરી પોલીસ કર્મીઓ કરી રહ્યા છે તે જાણવાનો પ્રયાસ કર્યો છે
સરકાર ક્યારે સાંભળશે પોલીસ પરિવારોનો અવાજ?
આમ તો વિધાનસભાની ચૂંટણી નજીક આવી છે ત્યારે આંદોલનનો પણ તેજ બની ગયા છે અને વધુ એક આંદોલન ગ્રેડ પે બાબતે થવા જઈ રહ્યું છે કેટલાક પોલીસ કર્મીઓ વિરોધ પણ શરૂ કર્યો છે અને હવે પરિવારજનોએ પણ સરકાર સામે બાંયો ચડાવીને ગ્રેડ પે મુદ્દે વિરોધ કર્યો છે જો માંગ પુરી નહીં થાય તો વોટ નો બહિષ્કાર કરીશું તેવી ચીમકી પણ ઉચ્ચારી રહ્યા છે. દરેક વ્યક્તિને પોતાના બંધારણીય હક ભોગવવા નો અધિકાર છે અને સુવિધાઓ ન મળે તો રજૂઆત કરવાનો પણ અધિકાર છે પરંતુ કહેવાતા સુરક્ષાકર્મીઓની જ હાલત દયનીય જોવા મળી રહી છે અને ગ્રેડ પે ની માંગ સાથે પોલીસ કર્મીઓ સરકાર સામે બાંયો ચઢાવી છે ત્યારે સરકાર પોલીસ કર્મીઓ સામે શું નિર્ણય લે છે તે જોવાનું રહ્યું.
નિલમ મકવાણા ઉપવાસના ઉપવાસ યથાવત
પોલીસ કર્મીઓએ પોતાના મોબાઇલ સ્ટેટ્સમાં ગ્રેડ પે મામલે સ્ટેટ્સ મુકવાની શરૂઆત કરતા મામલો ગરમાયો છે.પોલીસ કર્મીઓએ ગ્રેડ પે નહીં તો વોટ નહીં ના સ્ટેટ્સ પોતાના મોબાઇલમાં મુક્યા છે. ઉલ્લેખનીય છે કે ગ્રેડ પે મામલે છેલ્લા 9 દિવસથી કોન્સ્ટેબલ નિલમ મકવાણા ઉપવાસ પર છે.