પોલીસ ગ્રેડ પેને લઇને ગુજરાતના પોલીસકર્મીઓની સૌથી મહત્વની ચેટિંગ્સ સામે આવી છે.
ગ્રેડ પે મુદ્દો રાજકીય થતા પોલીસકર્મીઓ આવ્યા સરકારના સમર્થનમાં
'હું મારા ગ્રેડ પે આંદોલનને રાજકીય હાથો નહીં બનવા દઉં' ચેટ સામે આવી
સરકાર 15 ઓગસ્ટ પહેલાં ગ્રેડ પે મુદ્દે કરી શકે છે મોટી જાહેરાત
તાજેતરમાં જ ગુજરાત પોલીસના ગ્રેડ પેને લઇને પોલીસ ગ્રેડ પેને લઇ સૌથી મહત્વના સમાચાર સામે આવ્યા છે. કે રાજ્ય (Gujarat) સરકાર 15 ઓગસ્ટ પહેલા પોલીસકર્મીઓના ગ્રેડ પે મુદ્દે મહત્વની જાહેરાત કરી શકે છે.
પોલીસના ગ્રેડ પેને લઇને ખુદ મુખ્યમંત્રી 15 ઓગસ્ટ પહેલાં મહત્વની જાહેરાત કરી શકે છે. મહત્વનું છે કે, પોલીસ ગ્રેડ પેની દરખાસ્ત પણ મંજૂર કરી દેવાઇ છે. ત્યારે હવે આ મુદ્દો રાજકીય થતા ખુદ પોલીસકર્મીઓ પણ સરકારના સમર્થનમાં આવ્યા છે. તેઓની ચેટના સ્ક્રીનશોટ પણ સોશિયલ મીડિયામાં વાયરલ થયા છે.
પોલીસ કર્મચારીઓના એક વોટ્સએપ ગ્રુપની ચેટ સામે આવી છે. જેમાં લખવામાં આવ્યું છે કે, "લગભગ સરકાર જાહેરાત કરવાની છે એવું સંભળાય છે. હું મારા ગ્રેડ પે આંદોલનને રાજકીય હાથો નહીં બનવા દઉં.'
પોલીસ કોન્સ્ટેબલના ગ્રુપની વાયરલ થઈ રહેલી ચેટમાં સરકાર પર ભરોસાની વાત કરવામાં આવી છે. મહત્વનું છે કે, હર્ષ સંઘવીએ તારીખ 15 ઓગસ્ટ સુધીમાં રાજ્યમાં 'પોલીસ ગ્રેડ પે'નો મુદ્દો ઉકેલવાનું વચન આપ્યું છે.
આ અંગે ખુદ ગૃહમંત્રી હર્ષ સંઘવીએ નિવેદન આપતા જણાવ્યું છે કે, 'સરકાર એક-એક પ્રશ્નનો ઉકેલ લાવવા કામ કરી રહી છે.' નોંધનીય છે કે, પોલીસ ગ્રેડ પે મુદ્દે મહત્વની જાહેરાત બાદ સરકાર તરફે ગુજરાતના પોલીસ કર્મચારીઓની ચેટ હાલ સોશિયલ મીડિયામાં વાયરલ થઈ રહી છે.
તમને જણાવી દઇએ કે, છેલ્લા કેટલાંય સમયથી રાજ્યમાં પોલીસકર્મીઓ ગ્રેડ પેની માંગણી કરી રહ્યાં છે. ત્યારે આ મુદ્દે ગુજરાતના પોલીસકર્મીઓને તારીખ 15મી ઓગસ્ટ પહેલાં મોટી ભેટ મળી શકે છે. આથી, હાલમાં પોલીસકર્મીઓની વાયરલ ચેટમાં પણ તેઓ રાજ્ય સરકારને સમર્થન કરી રહ્યાં હોય તેવું સ્પષ્ટ દેખાઇ રહ્યું છે.