આધુનિક બિનલશ્કરી દળ / ગુજરાત પોલીસને મળી ત્રીજી આંખ, 50 કરોડના ખર્ચે બૉડીવોર્ન કેમેરાની ખરીદી

• પોલીસની બોડી પર જોવા મળશે બોડીવોર્ન કેમેરા
• પોલીસની બોડી પર લાગેલા રહેશે હવે બોડી કેમેરા
• પ્રદીપસિંહ જાડેજાની હાજરીમાં થયું ડેમોન્સ્ટ્રેશન

ગુજરાત પોલીસને ત્રીજી આંખ મળી ચૂકી છે. દિન-પ્રતિદિન ગુજરાત પોલીસ આધુનિક બની રહી છે. પોલીસની બોડી પર હવે બોડીવોર્ન કેમેરા જોવા મળશે. પોલીસની બોડી પર હવે બોડી કેમેરા લાગેલા રહેશે. ગૃહરાજ્ય મંત્રી પ્રદીપસિંહ જાડેજાની હાજરીમાં અમદાવાદમાં કેમેરાની ડેમોન્સ્ટ્રેશન કરાયું હતું. ગુજરાત પોલીસને આધુનિક અને સતર્ક બનાવવા માટે 10 હજાર બોડીવોર્ન કેમેરા ખરીદાયા છે.

10 હજાર કેમેરા માટે ગૃહવિભાગે આશરે 50 કરોડનો કર્યો ખર્ચ

આશરે 50 કરોડના ખર્ચે ગુજરાત પોલીસ માટે કેમેરા ખરીદાયા છે. રસ્તા પર બનતી ઘટનાઓનાના ડિટેક્શન માટે કેમેરા લગાવ્યા છે. કુલ 10 હજાર કેમેરામાં 9,000 બોડીવોર્ન કેમેરા અને 1,000 લાઈવ કેમેરા રહેશે. કેમેરાના ડેમોસ્ટ્રેશન સમયે ગૃહરાજ્ય મંત્રી પ્રદીપસિંહ જાડેજાએ કહ્યું કે, કેમેરાના લીધે ડીસીપ્લીન સારું રહેશે. રેકોર્ડ ડેટા હવે ઘણો ઉપયોગી થશે. આજે કેમેરાઓનું ડેમોન્સ્ટ્રેશન છે થોડા સમયમાં તે ફિલ્ડમાં અમલી બનશે.