શરમજનક / દારૂબંધીમાં દાદાગીરી : તું કોણ મને પકડવા વાળો કહીને બુટલેગરે પોલીસને માર્યો ધક્કો, ખાખીનો રૂઆબ ક્યાં ખોવાયો?

• અમદાવાદમાં બુટલેગરો બન્યા બેફામ 
• બુટલેગરને પકડવા ગયેલ પોલીસ પર હુમલો
• નિકોલ પોલીસે આરોપી બુટલેગરની કરી ધરપકડ

ગુજરાતમાં દારૂબંધી છે પણ એ તો માત્ર નામની જ છે કેમ કે, અવનારનવાર ખુલ્લેઆમ દારૂના વેચાણના કિસ્સા સામે આવતા રહે છે અને હવે તો દારૂ વેચનાર બુટલેગરો એટલા બેફામ બન્યા છે કે, તેમણે ખુદ પોલીસને પર પણ પ્રહાર કરવાનું શરૂ કરી દીધુ છે. 

બુટલેગરે પોલીસ પર હિંસક હૂમલો કર્યો હતો. 

અમદાવાદમાં બુટલેગરને પકડવા ગયેલ પોલીસ પર હુમલાનો કિસ્સો સામે આવ્યો છે. પોલીસને પેટ્રોલિંગ દરમિયાન બાતમી મળી હતી કે, અહીં દારૂની હેરફેર થાય છે ત્યારે પોલીસે બાતમીદારોની મદદથી ટીમ બનાવીને બુટલેગરને પકડવા માટે કમર કસી હતી. આ વખતે બુટલેગરે રીતસર પોલીસની ઝાટકણી કાઢીને કહ્યું હતુ કે, મને પકડવા વાળા કોણ એમ કહી બુટલેગરે પોલીસ પર હિંસક હૂમલો કર્યો હતો. 

ધરપકડ દરમિયાન અન્ય શખ્સો ભાગી છુટ્યા

નિકોલ પોલીસે આરોપી બુટલેગરની ધરપકડ કરી હતી. ધરપકડ દરમિયાન અન્ય શખ્સો ભાગી છુટ્યા હતા. પોલીસે ફરાર આરોપીઓને પકડવા તજવીજ હાથ ધરી છે આ અંગે પોલીસ ફરિયાદ પણ નોંધાઈ છે.