દ્વારકાના જામખંભાળિયામાં યુવકને નિર્વસ્ત્ર ફેરવવાનો મામલો સામે આવ્યો છે. ફરિયાદ લેવામાં વિલંબ મુદ્દે રેન્જ આઇજી લાલઘૂમ થયા હતા. રેન્જ આઇજીએ પોલીસકર્મી સામે કાર્યવાહીના સંકેત આપ્યા છે. બનાવમાં સ્થાનિક પોલીસની ભૂમિકાને લઇ ચર્ચા થઈ રહી છે. તપાસ રિપોર્ટ આવ્યા બાદ પોલીસકર્મી સામે કાર્યવાહી થઇ શકે છે
રેન્જ આઇજીએ પોલીસકર્મી સામે કાર્યવાહીના આપ્યા સંકેત
ખંભાળીયામાં બે બંધુઓ વચ્ચે સંપૂર્ણ નગ્ન હાલતમાં બજારમાં ફરી રહેલ શખ્સને પરાણે ફેરવવામાં આવી રહ્યો હોવાની વિગતો સામે આવી છે. આ બનાવ અંગે પોલીસે ભોગ બનનાર યુવાનની ફરિયાદ નોંધી છે. જેમાં સમગ્ર વિગતો બહાર આવી છે. જેમાં આ યુવાને તાજેતરમાં ફેસબુક લાઈવ કરીને ક્રિકેટના સટ્ટાના કેસના આરોપીઓ બાબત ચર્ચાઓ કરી હતી. જેનું મનદુઃખ રાખી આરોપીઓએ કાવતરું કર્યુ હતું.
શારદા સિનેમા પાસેથી યુવાનનું અપહરણ કર્યું હતું ત્યારબાદ નગ્ન કરી શહેરમાં લઈ આવી આરોપી માણસી ભોજાણી અને કાના ભોજાણીએ મારમારી બદનામ કરવાના ઈરાદાથી નગ્ન હાલતમાં રેકોર્ડિંગ કરી વિડિઓ વાયરલ કરાવ્યો હતો. તેમજ જાનથી મારી નાખવાની ધમકી આપી હતી. પોલીસે આ બંને ઉપરાંત તેના અન્ય ભાઈઓ ભારા જોધા ગઢવી, પ્રતાપ જોધા ગઢવી, જોધા ગઢવી, કિરીટ જોધા ગઢવી સામે વિવિધ કલમ મુજબનો ગુનો નોંધ્યો છે. આ સમગ્ર બનાવને ધ્યાને લઇને પોલીસ કાફલાએ મુખ્ય બંને આરોપી ભારા જોધા ગઢવી, કિરીટ જોધા ગઢવીને જાહેરમાં લઇને જાહેરમાં સરઘસ કાઢ્યુ હતું.