દારૂબંધી પર ‘દંગલ’ / શું ગેહલોત સાચા છે? DGPએ રાજ્યભરની પોલીસને 6 દિવસ દારૂની ડ્રાઈવ કરવા કહ્યું

• ડ્રાઈવ યોજવા DGP શિવાનંદ ઝાએ કર્યા આદેશ
• 16 ઓક્ટોબર સુધી રાજ્યભરમાં યોજાશે પોલીસ ડ્રાઈવ
• રાજ્યના પોલીસ કમિશનરો, DSPને આદેશ

ગુજરાતમાં ઘેરઘેર દારૂ પીવાય છે તેવા રાજસ્થાનના CM અશોક ગેહલોતના નિવેદનના મામલે કોંગ્રેસ ભાજપ જ નહીં પરંતુ સામાન્ય જનતા પણ પ્રશ્નો ઉઠાવી રહી હતી કે ખરેખર શું ગુજરાતની દારૂબંધી ખાલી કાગળ ઉપર જ છે? ગુજરાત સરકાર ઉપર પ્રહારો થઈ રહ્યા હતા કે ખરેખર ગુજરાતમાં દારૂબંધી હોય તો તેનો અમલ કેમ થતો નથી? ત્યારે ઘોર નીંદ્રામાં પોઢી રહેલ તંત્ર સફાળુ જાગીને કામે લાગ્યુ હતુ. 

દારૂ જુગારની પ્રવૃત્તિઓ અટકાવવા પોલીસની કવાયત
રાજ્યમાં એક સપ્તાહ સુધી ડ્રાઈવ યોજવામાં આવી છે. DGP શિવાનંદ ઝાએ કર્યા રાજ્યમાં ડ્રાઈવ માટે આદેશ આપ્યા છે. 16 ઓક્ટોબર સુધી રાજ્યભરમાં પોલીસ ડ્રાઈવ યોજાશે. રાજ્યના તમામ પોલીસ કમિશનરો, DSPને આ અંગેના આદેશ અપાઈ ગયા છે.  

કઈ કઈ કામગીરી થશે
લિસ્ટેડ બુટલેગરોની પ્રવૃત્તિઓ ચકાસવાના સુચનો આપી દેવામાં આવ્યા છે એટલુ જ નહી પણ ટેક્નિકલ રીતે નિષ્ફળ કામગીરીની પણ ફેરતપાસના આદેશ અપાયા છે. પોલીસ કમિશનર, રેન્જ વડા કક્ષાએથી તમામ તપાસ કરાશે. રોજેરોજની કામગીરીનો DGPને અહેવાલ મોકલવામાં આવશે.