વિવાદ / આરોગ્યમંત્રીના દીકરાને પાઠ ભણાવનાર મહિલા પોલીસ સુનિતા યાદવની મુશ્કેલીઓ વધી, 3 મામલે શરૂ થઈ તપાસ

• સુનિતા પર છે ત્રણ આરોપો 
• સુનિતાને હાલ સુરક્ષા આપવામાં આવી
• સુનિતા રાજીનામું ન આપી શકે: પોલીસ કમિશનર

સુનિતા પર આરોપ છે કે તે લોકોને રસ્તા પર બેસાડીને ઉઠક બેઠક કરાવતી હતી. આ મામલે તપાસ શરૂ કરવામાં આવી છે. બીજી તરફ, 9 જુલાઈથી સુનિતા પોતાની ફરજ પરથી ગાયબ હોવાનો પણ આરોપ છે. આ સિવાય મંત્રીના પુત્રને ઠપકો આપવા બદલ તેમની સામે પહેલેથી જ તપાસ ચાલી રહી છે.

સુનિતા પર છે કયા ત્રણ આરોપો

સુનિતા વિરુદ્ધ તપાસનો આદેશ સુરત પોલીસ કમિશનર આર.બી. બ્રહ્મભટ્ટ દ્વારા આપવામાં આવ્યો છે જેમાં એવું કહેવામાં આવી રહ્યું છે કે 8 મી જુલાઈએ મંત્રીના પુત્ર સાથેના વિવાદના બીજા દિવસે સુનિતા 9 જુલાઈથી ફરજ પર નહોતી આવી. આ મામલે સુનિતા યાદવે કહ્યું કે તેમણે પોતાના પદ પરથી રાજીનામું આપી દીધું છે.

સુનિતાને હાલ સુરક્ષા આપવામાં આવી

સહાયક પોલીસ કમિશનર જે.કે. પંડ્યા સુનિતા યાદવ વિરુદ્ધ ત્રણેય આરોપોની તપાસ કરી રહ્યા છે. આ દરમિયાન સુનિતાને જાનથી મારી નાંખવાની ધમકી મળવાને કારણે બે સશસ્ત્ર પોલીસકર્મી સુરક્ષા માટે તૈનાત કરાયા છે. 

સુનિતા રાજીનામું ન આપી શકે: પોલીસ કમિશનર

સુનિતાએ કહ્યું હતું કે 'મને મારા ઉપરી અધિકારીઓનો ટેકો મળ્યો નથી, તેથી મેં રાજીનામું આપ્યું. હું સૈનિક તરીકે મારું કામ કરી રહ્યો હતો. તે આપણી સિસ્ટમની ભૂલો છે કે આવા લોકો એટલે કે મંત્રીના દીકરાઓને વીવીઆઈપીમાં ગણવામાં આવે છે. ત્યારે પોલીસ કમિશનરે કહ્યું કે સુનિતાની પૂછપરછ હજી ચાલુ છે. એટલે ટેકનીકલવી તે હાલ રાજીનામું આપી ન શકે.