ગુજરાતમાં બાળકોના ખરીદ-વેચાણના નેટવર્કનો પર્દાફાસ થતા ચકચાર મચી ગઈ હતી. અમદાવાદના એક માણસે એક કિશોરીને ખરીદી હોવાનું ખુલ્યું છે આ કિશોરી સુરતની છે અને થોડા સમય પહેલાંજ સુરતમાંથી એક કિશોરી ગુમ થઈ હતી. આ સમગ્ર ઘટના પોલીસે છટકું ગોઠવીને ઝડપી પાડતા માનવ તસ્કરીનો એક છેડો પોલીસને હાથ આવી ગયો છે પોલીસ હજુ આ દિશામાં વધુ પૂછપરછ કરીને તપાસ હાથ ધરી છે.
ગુજરાતમાં બાળકોના ખરીદ-વેચાણના નેટવર્કનો પર્દાફાશ
સુરતની કિશોરીને અમદાવાદમાં 70 હજારમાં વેચી
સુરત પોલીસે અમદાવાદની વ્યકિતને પકડી પર્દાફાસ કર્યો
ગુજરાતમાં બાળકોના ખરીદ-વેચાણના નેટવર્કનો પર્દાફાશ થયો છે. સુરતની કિશોરીને અમદાવાદમાં 70 હજારમાં વેચી દીધી છે. સુરત પોલીસે અમદાવાદની વ્યકિતને પકડી પર્દાફાસ કર્યો છે.
સુરતની બાળકી અમદાવાદમાં વેચાઈ
અમદાવાદના હરીશ સોલંકીએ બાળકી ખરીદી હતી. હરિશે કલોલની એક મહિલા પાસેથી બાળકીને ખરીદ હતી. સુરતના સચિનમાં થોડા સમય પહેલા બાળકી ગુમ થઇ હતી. રાજ્યમાં બાળકોને ખરીદ વેચાણનું નેટવર્ક કાર્યરત હોવાનું ખુલ્યું છે. સુરત પોલીસે આરોપીને ઝડપી વધારે પુછપરછ હાથ ધરી છે.
કેટલા બાળકો ગુમ થાય છે
ગુજરાતમાં 2018 પ્રમાણે છેલ્લા બે વર્ષમાં 4800 બાળકો ગુમ થયા હતા. જેમાંથી હજુ પણ 1150 બાળકો લાપતા છે. કેન્દ્ર સરકારની NCRBના - રાષ્ટ્રીય ગુના નોંધણી બ્યુરોએ જાહેર કર્યું છે કે, મોટા શહેરોમાં વધુ બાળકો ગુમ થયા છે, જેમાં 2156 બાળકો ગુમ હતા. અમદાવાદની વાત કરીએ તો અમદાવાદમાં 1241 બાળકો ગુમ થયા હતા જેમાંથી 310 લાપત્તા છે. જ્યારે વડોદરામાં 322 બાળકો ગુમ થયા હતા જેમાંથી 45 લાપતા છે. રાજકોટમાં 223 ગુમ થયા હતા જેમાથી 45 લાપતા છે. ગાંધીનગરમાં 223 ગુમ થયા હતા જેમાંથી 47 લાપતા છે.