દૂર્ઘટના / વારંવારની રજૂઆતો છતાં ગાડીઓ ન બદલતા પોલીસની કારનો અકસ્માત, કોણ જવાબદાર

• અમદાવાદ પોલીસની દયનીય સ્થિતી
• રિપોર્ટ બાદ પણ કાર ન બદલાતા દુર્ઘટના
• રિવરફ્રન્ટ પર પોલીસની કાર પલટી

અમદાવાદ પોલીસની દયનીય સ્થિતી સામે આવી છે. રિપોર્ટ બાદ પણ કાર ન બદલાતા દુર્ઘટના સર્જાઈ હતી. રિવરફ્રન્ટ પર પોલીસની કાર પલટી ખાઈ ગઈ હતી દુર્ઘટનામાં એક વ્યક્તિને સામાન્ય ઈજાઓ પહોંચી હતી. ગાડી ખરાબ થયાનો રિપોર્ટ કરાયેલો છે. રિપોર્ટ છતા ખરાબ ગાડી વાપરવા મજબુર બન્યા છે. 

અમદાવાદના રિવરફ્રન્ટ પર પોલીસની ગાડી પલટી હોવાની ઘટના સામે આવી છે. આ ગાડી રિવરફ્રન્ટ ઈસ્ટ પોલીસ મથકની સામે પલટી ગઈ હતી.. આ દુર્ઘટનામાં એક વ્યકિતને સામાન્ય ઈજા થઈ હતી.

ઉલ્લેખનીય છે કે પોલીસ કર્મચારી દ્વારા ગાડી ખરાબ થયા હોવાનો રિપોર્ટ કરવામાં આવ્યો હતો તેમ છતા ઉચ્ચ કક્ષાએથી કોઈ પણ પ્રકારની કાર્યવાહી કરવામાં આવી નહોતી. આમ અમદાવાદ પોલીસે રિપોર્ટ કરવા છતા ખરાબ ગાડી વાપરવા મજબુર બનવું પડયુ હતુ. એક તરફ નેતાઓ માટે જરૂર ન હોવા છતા મસમોટા ખર્ચા કરવામાં આવે છે ને બીજી તરફ જનતાની સેવા કરતા રક્ષા કરતા પોલીસના જવાનોને ખરાબ ગાડીઓનો ઉપયોગ કરી પોતાનો જીવ જોખમે મૂકવો પડે છે