શહેરના દાણીલીમડા વિસ્તારમાં આવેલા એક એસ્ટેટની ઓફિસમાં કેમિકલ અને કાપડના વેપારીઓ જુગાર રમતાં રંગેહાથ પોલીસના હાથે ઝડપાતાં ચકચાર મચી ગઇ છે. પોલીસે ૪.૪૭ લાખની રોક્ડ રકમ સહિત ૮૩.૯૭ લાખનો મુદ્દામાલ જપ્ત કર્યો છે. બીજી તરફ પીસીબીએ શાહીબાગ વિસ્તારમાં રેડ કરીને ૪૪ હજારનો મુદ્દામાલ જપ્ત કર્યો છે.
વેપારીઓ આરામથી રમતા તા રમત
પોલીસ બાતમીને આધારે પકડાયા
શાહીબાગમાં ચાલતા જુગારધામ પર દરોડો
દાણીલીમડા પોલીસની સર્વેલન્સ સ્ક્વોડની ટીમને બાતમી મળી હતી કે દાણીલીમડાની કોઝી હોટલ પાછળ પુરષોત્તમ એસ્ટેટમાં આવેલ દર્શન ઇન્ટેક્ષની ઓફિસમાં જુગારધામ ચાલી રહ્યું છે. બાતમીના આધારે પોલીસ બાતમીદારો મારફતે તપાસ કરાવતાં જાણવા મળ્યુ હતું કે કેટલાક લોકો આર્થિક લાભ માટે મોટા પ્રમાણમાં જુગારધામ ચલાવી રહ્યા છે. બાતમીના આધારે સર્વેલન્સ સ્કવોડની ટીમે જુગારધામ પર દરોડા પાડ્યા હતા.
કેટલાનો મુદ્દામાલ ઝડપાયો
તેમની પાસેથી પોલીસને ૪.૪૭ લાખની રોક્ડ રકમ તેમજ ૧૩ મોબાઈલ, રૂ. ૭૭ લાખની કાર સહિત ૮૩.૯૭ લાખનો મુદ્દામાલ જપ્ત કરાયો છે. દાણીલીમડા પોલીસ સ્ટેશનના પીઆઇ વી.આર. વસાવાએ જણાવ્યું છે કે ધરપકડ કરાયેલા નવ આરોપી કેમિકલ તેમજ કાપડના વેપારી છે અને તેઓ મોજશોખ માટે થોડા-થોડા સમયે જુગાર રમવા માટે બેસતા હતા. બાતમીના આધારે પોલીસે દરોડા પાડીને તેમની ધરપકડ કરી છે. મોડી રાતે તમામ વેપારીને જામીન પર છોડી મૂકવામાં આવ્યા હતા.
ગઈકાલે કરી હતી રેડ
ગઈ કાલે પીસીબીને પણ બાતમી મળી હતી કે શાહીબાગમાં આવેલ બાબુભાઇ રંગાટીની ચાલી, દેવજીપુરા, શાહીબાગમાં જુગારનો અડ્ડો ચાલી રહ્યો. મળેલી બાતમીના આધારે પીસીબીની ટીમે દરોડા પાડતાં સુલેમાન નામની વ્યકિત તેના ભાગીદાર રાજેન્દ્ર સાથે મળીને તીનપત્તીનો જુગાર રમાડતી હતી.