સરકારી નોકરીઓમાં ભરતીઓમાં લોલમલોલ જોવા મળી રહ્યું છે. છેલ્લા બે વર્ષથી 540 PSIની ખાતાકીય ભરતી અધ્ધરતાલ છે. સૂત્રોના જણાવ્યાનુંસાર રાજ્યમાં PSIની 2 હજાર જગ્યાઓ ખાલી છે. ભરતી મુદ્દે હાઇકોર્ટમાં મંગાયેલી દાદને લઇ કોકડું ગુચવાયું છે. 3 હજાર પોલીસકર્મીને અન્યાય થઈ રહ્યો છે.
સરકારી નોકરીઓમાં ભરતીઓમાં લોલમલોલ
બે વર્ષથી 540 PSIની ખાતાકીય ભરતી અધ્ધરતાલ
રાજ્યમાં PSIની 2 હજાર જગ્યાઓ ખાલીઃ સૂત્ર
છેલ્લે 2018માં ભરતી માટે જાહેરાત કરવામાં આવી હતી. ડિસેમ્બર 2019માં શારીરિક કસોટી લેવામાં આવી હતી. બે વર્ષ બાદ પણ લેખિત પરીક્ષા લેવામાં આવતી નથી. ભરતી મામલે હાઇકોર્ટમાં અરજી થતા કોકડું ગુંચવાયું છે.
3 મહિના પહેલા કરી હતી જાહેરાત
રાજ્યના ગૃહ વિભાગે પોલીસમાં કુલ 7,610 નવી જગ્યાને મંજૂરી આપી હતી. ટૂંક સમયમાં ભરતી હાથ ધરાશે. ગુનાઓ અટકાવવાની કામગીરી, વીવીઆઇપી બંદોબસ્ત માટે તમામ પોલીસ કમિશનરેટ, જિલ્લા યુનિટ અને રેલવે પોલીસ હસ્તકની તેમજ ડોગ સ્ક્વોડની જગ્યાઓ વધારવા ડીજીપીએ કરેલી દરખાસ્ત મુજબ બજેટમાં કુલ 10,506 જગ્યા મંજૂર કરાઈ હતી અને એ માટે 115.10 કરોડની જોગવાઈ હતી, પણ કોરોનાને કારણે ભરતીના બજેટમાં 100 કરોડનો કાપ મુકાતાં 15.10 કરોડની જોગવાઈ મુજબ 7,610 જગ્યા ભરવાની મંજૂરી અપાઈ છે.
ટૂંક સમયમાં ભરતી કરાશે, ઇન્ટેલિજન્સમાં 127 પોસ્ટ પર ભરતી કરાશે એવી જાહેરાત કરાઈ હતી.