ગુજરાત / PM મોદીએ રાજકોટના પરિવારને પત્ર દ્વારા આપ્યો જવાબ, જુઓ શું લખ્યું

રાજકોટમાં દિવ્યાંગ દંપતીને પ્રધાનમંત્રી નરેન્દ્ર મોદીએ પત્ર લખ્યો છે. પરિવારે લખેલા પત્રનો પ્રધાનમંત્રીએ જવાબ આપીને શુભેચ્છા આપી છે. શહેરના મવડી વિસ્તારમાં વિપુલ પિત્રોડા અને તેમના પત્ની દિવ્યાંગ છે. વિપુલ પિત્રોડાને બે બાળકો છે. જેમાંથી એક બાળકીને કેન્સરની ગાંઠ હતી. જેની સારવાર માટે 10 લાખનો ખર્ચ હતો અને રાજકોટમાં શક્ય નહોતું, માટે દંપતી પોતાની બાળકીને લઈને અમદાવાદ સિવિલ હોસ્પિટલમાં પહોંચ્યા હતા. જે મા અમૃતમ કાર્ડ યોજના હેઠળ દીકરીની સારવાર કરાવી હતી.

PM મોદીએ રાજકોટના પરિવારને પત્ર લખ્યો

બાળકીનું મફતમાં ઓપરેશન કરવામાં આવ્યું હતું. તે ઓપરેશન સફળ રહેતા પિતા વિપુલ પિત્રોડાએ પ્રધાનમંત્રીને પત્ર લખ્યો હતો અને આ યોજના બદલ આભાર માન્યો હતો. જેના પ્રત્યોત્તરમાં પીએમ મોદીએ પણ પત્ર લખીને તેમને અને તેમની દીકરીને સારા ભવિષ્ય અને આરોગ્યની શુભકામના આપી છે.

આ પણ વાંચો: હનુમાન જયંતી ઉત્સવમાં પ્રસાદ આરોગતા જ લથડી તબિયત, 100થી વધુ લોકોને ફૂડ પોઇઝનિંગ

રાજકોટમાં દિવ્યાંગ દંપતીને PM મોદીનો પત્ર

બાળકી દોઢ વર્ષની હતી તે દરમિયાન પેટમાં ગાંઠ અને કિડનીની તકલીફ હતી જ્યારે અમદાવાદમાં બાળકીનું સફળતાપૂર્વક ઓપરેશન કરવામાં આવ્યું છે ત્યારે બાળકી પીડીમાંથી મુક્ત થઈ છે અને બાળકીને સંપૂર્ણ સ્વસ્થ છે, જેને લઈ પરિવારે આભાર પત્ર લખતા PM મોદીએ પણ શુભેચ્છા પત્ર લખ્યો છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ