આવતી કાલે નવા વર્ષનો શુભારંભ થવા જઈ રહ્યો છે ત્યારે આરોગ્યમંત્રી ઋષિકેશ પટેલ અમદાવાદમાં સિવિલ હોસ્પિટલની મુલાકાત લેવાના છે, આ મુલાકાત દરમિયાન સિવિલ હોસ્પિટલ કેમ્પસમાં ફાર્મસી કાઉન્સિલની પણ તેઓ મુલાકાત લેશે જ્યાં આરોગ્યમંત્રી ઋષિકેશ પટેલ ગુજરાત ફાર્મસી કાઉન્સિલની નવી વેબસાઈટ, સોફ્ટવેર લોંચ કરશે. આ સાથે ગુજરાત ફાર્મસી કાઉન્સિલ દેશની પ્રથમ પેપરલેસ કાઉન્સિલ બનશે. જેમાં ફાર્માસિસ્ટો ઘરે બેઠા જ તમામ લાઇસન્સના કામો ઓનલાઇન કરી શકશે.
દેશની પ્રથમ પેપરલેસ કાઉન્સિલ
આરોગ્યમંત્રી ડી.જી.લોકર. જોબ પોર્ટલ અને મોબાઈલ એપ્લિકેશન પણ લોચ કરશે. પેપરલેશ ફાર્મસી કાઉન્સિલમાં જોબ પોર્ટલના માધ્યમથી રોજગારી તકો પણ ઉપલબ્ધ બનશે તેવું આયોજન કરવામાં આવ્યું છે. ઉલ્લેખનિય છે કે રાજ્યમાં કોરોના કેસ સતત વધી રહ્યા છે ત્યારે કોરોનાને કાબૂમાં લેવા માટે સિવિલ હોસ્પિટલમાં તૈયારીઓની સમીક્ષા પણ કરવામાં આવનાર છે.
અમદાવાદમાં કોરોનાનું સૌથી વધુ સંક્રમણ
અમદાવાદ શહેરમાં 311 અને ગ્રામ્યમાં 6 કેસ સાથે કુલ જિલ્લામાં 317 કેસ નોંધાયા છે. જ્યારે સુરત શહેરમાં 97 અને ગ્રામ્યમાં 19 કેસ સાથે જિલ્લામાં 126 નોંધાયા છે. વડોદરા શહેરમાં 38 અને ગ્રામ્યમાં 3 કેસ સાથે જિલ્લામાં કુલ 41 કેસ નોંધાયા છે. તો રાજકોટ શહેરમાં 21 કેસ અને ગ્રામ્યમાં 11 કેસ સાથે જિલ્લામાં કુલ 31 કેસ નોંધાયા છે. જામનગર શહેરમાં 12 અને ગ્રામ્યમાં 5 કેસ સાથે જિલ્લામાં કુલ 17 કેસ નોંધાયા છે. ગાંધીનગર શહેરમાં 9 અને ગ્રામ્યમાં 9 કેસ સાથે જિલ્લામાં કુલ 18 કેસ નોંધાયા છે. તો આણંદમાં 21, ખેડામાં 13, કચ્છમાં 12, વલસાડમાં 11, નવસારીમાં 10, ભરૂચમાં 9, ભાવનગર શહેરમાં 6, મહીસાગરમાં 5, મહેસાણામાં 5, અમરેલીમાં 4, મોરબીમાં 4, તોપીમાં 4, પોરબંદરમાં 3, સાબરકાંઠામાં 3, વડોદરામાં 3, બનાસકાંઠામાં 1, જૂનાગઢ શહેરમાં 1 અને પંચમહાલમાં 1 કોરોનાનો કેસ નોંધાયો છે.
રાજ્યમાં છેલ્લા 24માં કોરોના નવા 654 નવા કેસ
ગુજરાતમાં છેલ્લા 24માં કોરોના વાયરસના નવા 654 નવા કેસ નોંધાયા છે. જ્યારે 63 દર્દીઓ સાજા થયા છે, જોકે એકપણ દર્દીનું મોત નથી થયું. તો હાલ રાજ્યમાં 2962 એક્ટિવ કેસ છે. જેમાંથી વેન્ટીલેટર પર 17 દર્દીઓ છે અને 2945 દર્દી સ્ટેબલ છે. રાજ્યનો રિકવરી રેટ 98.43 ટકા જેટલો છે. આજે 188125 લોકોનું વેક્સિનેશન થયું છે. ગુજરાતમાં અત્યાર સુધીમાં 818652 દર્દીઓ સાજા થયા અને 10118 દર્દીઓના મૃત્યુ થયા છે. રાજ્યમાં અત્યાર સુધીમાં 8,94,35,345 લોકોનું વેક્સિનેશન થઇ ચૂક્યું છે. અમદાવાદમાં રાજ્યના અડધા કેસ નોંધાયા છે. અમદાવાદમાં આજે 317 કેસ નોંધાયા છે. રાજ્યમાં અમદાવાદમાં કોરોનાનું સૌથી વધુ સંક્રમણ જોવા મળી રહ્યું છે.