દેશભરમાં લોકડાઉન બાદ હવે જાહેર કરાયેલા અનલોક દરમિયાન પેટ્રોલ-ડિઝલની માગ પણ વધવા લાગી છે. જેને લઇને દેશમાં સતત 13માં દિવસે પેટ્રોલ-ડિઝલની કિંમતમાં વધારો જોવા મળી રહ્યો છે. જેની સીધી અસર સામાન્ય જનતા પર પડી રહી છે. એક તરફ કોરોનાના સંકટ વચ્ચે લોકડાઉન દરમિયાન અનેક લોકો એવા છે જેમની નોકરી ગઈ છે. કેટલાકની આવક બંધ છે. તેવા સમયે પેટ્રોલ-ડીઝલના વધતા ભાવે લોકોની મુશ્કેલી વધારી દીધી છે. પેટ્રોલની કિંમતમાં આજે 56 પૈસા અને ડીઝલની કિંમતમાં આજે 63 પૈસાનો વધારો થયો છે.
પેટ્રોલ-ડીઝલના ભાવમાં ફરી વધારો
પેટ્રોલના ભાવમાં 56 પૈસાનો વધારો
ડીઝલના ભાવમાં 63 પૈસાનો વધારો થયો
પેટ્રોલ-ડીઝલના ભાવમાં સતત વધારો થઈ રહ્યો છે. જેના કારણે સામાન્ય જનતા માટે વાહન ચલાવવું મુશ્કેલ થઈ ગયું છે. પેટ્રોલના ભાવમાં આજે 56 પૈસા અને ડીઝલના ભાવમાં 63 પૈસાનો વધારો થયો છે. પેટ્રોલ ડીઝલના ભાવમાં સતત વધારો થઈ રહ્યો છે.
છેલ્લા 13 દિવસથી પેટ્રોલ અને ડીઝલના ભાવમાં 50થી 60 પૈસાનો વધારો થઈ રહ્યો છે. આ સાથે જ રાજ્ય સરકારે પણ એક સાથે 2 રૂપિયાનો વધારો ઝીંકી દીધો હતો. આમ છેલ્લા 13 દિવસમાં પેટ્રોલના ભાવમાં 9.11 રૂપિયાનો વધારો થયો છે. જ્યારે ડીઝલના ભાવમાં 9.67 રૂપિયાનો વધારો થયો છે.
આજના ભાવની વાત કરીએ તો અમદાવાદમાં આજે પેટ્રોલનો ભાવ 75.90 રૂપિયાએ પહોંચી ગયો છે. તો બીજી તરફ ડીઝલનો ભાવ 74.47 રૂપિયાએ પહોંચી ગયો છે. આ તરફ સુરતમાં પેટ્રોલ 75.82 રૂપિયા, જ્યારે ડીઝલનો ભાવ 74.40 રૂપિયા પહોંચી ગયો છે.
વડોદરામાં પેટ્રોલનો ભાવ 75.57 રૂપિયા અને ડીઝલનો ભાવ 74.14 રૂપિયાએ પહોંચ્યો છે. રાજકોટમાં પેટ્રોલ 75.94 રૂપિયા પ્રતિ લીટર મળી રહ્યું છે. જ્યારે ડીઝલનો ભાવ વધીને 74.53 રૂપિયા થઈ ગયો છે.
સતત વધી રહેલા પેટ્રોલ ડીઝલના કારણે સૌથી વધુ અસર સામાન્ય લોકો પર પડી રહી છે. કોરોનાના કારણે એક તરફ લોકો નોકરીથી હાથ ધોઈ રહ્યા છે, હજારો લોકોએ નોકરી ગુમાવી છે. તેવામાં મોંઘા થતા પેટ્રોલ-ડીઝલના ભાવથી લોકો ત્રાહીમામ પોકારી ઉઠ્યા છે.