ASF 2019: પબ્લિકને મજા પડી ગઇ માત્ર 3 કલાકમાં કરી 8.5 કરોડની ખરીદી

અમદાવાદ શોપિંગ ફેસ્ટિવલ અધિકારીઓએ શનિવારે ફેસ્ટિવલમાં ભાગ લેનારા વેપારીઓ સાથે યોજાયેલી મીટિંગ તેમને બધા સ્ટોલે બપોરે 12 વાગ્યાથી લઇને રાત્રિના 12 વાગ્યા સુધી ખુલ્લા રહેશે તેની ખાતરી આપવા માટે આદેશ આપ્યો હતો. 

મ્યુનિસિપલ કમિશનરે જણાવ્યુ કે વેપારીઓ સાથેની મીટિંગ બાદ AMC અને આયોજન કમિટીએ વેપારીઓને બપોરના 12 વાગ્યે સ્ટોલ ખોલવા માટે કહ્યુ હતુ. તેમણે વધુમાં ઉમેર્યું કે રિવરફ્રન્ટ પર આ પ્રકારની ઈવેન્ટ સાંજના સમયે શરૂ થતી હોવાના કારણે શુક્રવારે વેપારીઓને એમ હતું કે સ્ટોલ્સ સાંજે 5 વાગ્યે ખોલવાના હશે..તેમણે આગળ કહ્યુ કે શનિવારે 3 વાગ્યા સુધી જ 1.69 લાખ લોકોએ 8.5 કરોડ રૂપિયાની ખરીદી કરી હતી. શોપિંગ ફેસ્ટિવલમાં શહેરના 17800 વેપારીઓ જોડાયા હતા. 

સીનિયર અધિકારીની ગણતરી મુજબ શોપિંગ ફેસ્ટિવલમાં દરેક ગ્રાહકે અંદાજે 503 રૂપિયાનો ખર્ચો કર્યો છે. એક સીનિયર અધિકારીએ જણાવ્યુ કે શક્ય છે કે લોકોએ શોપિંગ ફેસ્ટિવલમાં રોજ થનારા લકી ડ્રો માટે પણ શોપિંગ કરી હોય.

પ્રધાનમંત્રી નરેન્દ્ર મોદીએ શોપિંગ ફેસ્ટિવલનું ઉદ્ધાટન કર્યુ તેના બીજા દિવસે શુક્રવારે સવારે સાબરમતી રિવરફ્રન્ટ પર સ્ટોલ્સ બંધ હતા. જેના કારણે અમદાવાદથી બહાર અને દૂરના વિસ્તારોમાંથી સવારે 10 વાગ્યે શોપિંગ કરવા માટે આવેલા ગ્રાહકો ઉદાસ થઇ ગયા. સવારના સમયે માત્ર સ્ટોલ્સ જ નહી ફૂડ કોર્ટ પણ બંધ હતા.

આ ઉપરાંત  ફ્લાવર શોમાં પણ બપોરના સમયે ટિકીટ લેવા માટે કાઉન્ટર બહાર લાંબી કતારો લાગી ગઈ હતી. મોર્નિંગ સ્ટાફની શિફ્ટ 3 વાગ્યે ખતમ થઇ જતાં અને સેકન્ડ શિફ્ટનો સ્ટાફ સમય પર ન  આવતા લાઇનમાં ઉભેલા મુલાકાતીઓ ગુસ્સે થયા હતા.મુલાકાતીઓને 30 મિનિટ સુધી બહાર ટિકીટ માટે લાઇનમાં ઉભા રહેવુ પડ્યુ હતુ. AMCના અધિકારીઓને સ્ટાફના મોડા પડવાની જાણકારી આપ્યા બાદ ટિકીટ વિન્ડો ફરીથી ખોલવામાં આવી હતી.