અકસ્માત / સુરેન્દ્રનગર પાટડીના ખારાઘોડામાં ગોઝારો અકસ્માત, ઘટના સ્થળે જ એકનું મોત

• ટ્રક અને બાઈક વચ્ચે અકસ્માત સર્જાયો 
• અકસ્માતમાં બાઈક ચાલકનું ઘટના સ્થળે મોત
• અકસ્માતને કારણે હાઇવે પર ટ્રાફિક જામ 
• પોલીસે ધટનાસ્થળે પહોંચી તપાસ હાથ ધરી

સુરેન્દ્રનગર પાટડી ખારાઘોડામાં ગોઝારો અકસ્માત સર્જાતા હાઈવે ઉપર ટ્રાફિક ચક્કાજામ બન્યો હતો. ટ્રક અને બાઈક ચાલક વચ્ચે જોરદાર અકસ્માત થયો હતો જેમાં બાઈક ચાલકનું ઘટના સ્થળે જ મોત થયું હતુ. 

રવિવારની સવાર હાઈવે ઉપર માઠા સમાચાર લઈને આવી હતી. બાઈક સવારનો કાળ તેને હાઈવે ઉપર ખેંચી લાવ્યો હશો. ખારાઘોડામાં એક ટ્રક બાઈકચાલકનું મોત બનીને આવી હતી અને આ અકસ્માતમાં બાઈક સવારનું ઓન ધી સ્પોટ મોત થઈ ગયુ હતુ ત્યારે આ હાઈવે ઉપરથી પસાર થઈ રહેલા લોકો એકઠા થઈ ગયા હતા અને આ અંગે પોલીસને જાણ કરવામાં આવતા પોલીસ પણ ઘટના સ્થળે પહોંચી ગઈ હતી. 

પોલીસે અકસ્માતે ગુનો નોંધીને જરૂરી તપાસ હાથ ધરી હતી સાથે સાથે હાઈવે ઉપર થઈ ગયેલા ચક્કાજામ ટ્રાફિકને પણ ક્લિયર કર્યો હતો.