છૂટછાટ / ગુજરાતમાં આંશિક પ્રતિબંધોમાં અપાઈ મોટી રાહત, દુકાનો ખોલવાનો સમય બદલાયો

• આંશિક લોકડાઉનમાં વેપારીઓ માટે સરકારે જાહેર કરી નવી ગાઈડલાઈન
• 36 શહેરમાં દુકાન-વેપાર ખુલ્લા રાખવાના સમયમાં કર્યો ફેરફાર
• સવારના 9 વાગ્યાથી સાંજના 6 સુધી વેપાર-ધંધા ખુલ્લા રાખી શકાશે

રાજ્યમાં 4 જૂનથી પ્રતિબંધો વધુ હળવા બનાવવામાં આવ્યા છે. 4 જૂનથી સાંજે 6 વાગ્યા સુધી દુકાનો ખુલ્લી રહેશે. રાજ્યના 36 શહેરોમાં લારી, ગલ્લા, શોપિંગ કોમ્પલેક્ષ ખુલ્લા રહેશે. સલૂન, બ્યુટી પાર્લર, માર્કેટિંગ યાર્ડ સહિતની દુકાનો માટે આ નિર્ણય કરવામાં આવ્યો છે. 4 જૂનથી સવારે 9 વાગ્યાથી સાંજે 6 વાગ્યા સુધી ખુલ્લા રહેશે. મુખ્યમંત્રી  રૂપાણીની અધ્યક્ષતામાં કોર કમિટીની બેઠકમાં આ નિર્ણય કરવામાં આવ્યો છે. રેસ્ટોરન્ટ રાત્રે 10 વાગ્યા સુધી ટેક અવેની સેવા આપી શકશે. 11 જૂન સુધી રાત્રે 9 વાગ્યાથી સવારે 6 વાગ્યા સુધી રાત્રી કર્ફ્યૂ યથાવત રહેશે.

શું છે હાલની સ્થિતિ ?

ગુજરાતભરમાં આવતીકાલથી આંશિક લોકડાઉનમાં સવારે 9થી બપોરના 3 વાગ્યા સુધી લારી-ગલ્લા અને દુકાનો ખુલ્લી રાખવાની છૂટ આપી છે.તમામ દુકાનો, વાણિજ્યક સંસ્થાઓ, લારી-ગલ્લાઓ, શોપિંગ કોમ્પ્લેક્સ, માર્કેટીંગ યાર્ડ, હેર કટીંગ સલૂન, બ્યુટી પાર્લર તેમજ અન્ય વ્યાપારિક ગતિવિધિ સવારના 09:00 કલાકથી બપોરના 03:00 કલાક સુધી ખુલ્લા રાખી શકાશે.

• રેસ્ટોરેન્ટ્સ સવારના ૯:૦૦ કલાકથી રાત્રિના ૮:૦૦ કલાક સુધી Take away અને Home deliveryની સુવિધા ચાલુ રાખી શકશે. 
• અઠવાડીક ગુજરી/બજાર/હાટ, શૈક્ષણિક સંસ્થા અને કોચિંગ સેન્ટરો(ઓનલાઇન શિક્ષણ સિવાય), સિનેમા થિયેટરો, ઓડીટોરીયમ, એસેમ્બલી હોલ, વોટર પાર્ક, જાહેર બાગ-બગીચા, મનોરંજક સ્થળો , જીમ, સ્પા,  સ્વિમીંગ પુલ બંધ રહેશે. 
• આ સમયગાળા દરમિયાન લગ્ન માટે ખુલ્લા અથવા બંધ સ્થળોએ મહત્તમ 50(પચાસ) વ્યક્તિઓની મંજૂરી રહેશે. લગ્ન માટે DIGITAL GUJARAT PORTAL પર નોંધણીની જોગવાઇ યથાવત રહે છે. 
• અંતિમક્રિયા/દફનવિધી માટે મહત્તમ 20 (વીસ) વ્યક્તિઓની મંજુરી રહેશે.
• સરકારી, અર્ધ સરકારી, બોર્ડ, કોર્પોરેશન, બેંક, Finance Tech સંબંધિત સેવાઓ, કેશ ટ્રાન્ઝેકશન સેવાઓ, બેંકોનું ક્લિયરિંગ હાઉસ,એ.ટી.એમ/ સી.ડી.એમ. રીપેરર્સ, સ્ટોક એક્સચેન્જ,સ્ટોક બ્રોકરો, ઈન્સ્યોરન્સ કંપનીઓ તથા તમામ પ્રકારની ખાનગી ઓફીસોમાં કર્મચારીઓની હાજરીની સંખ્યા 50% સુધી સુનિશ્ચિત કરવાની રહેશે. આવશ્યક સેવાઓને આ જોગવાઇ લાગુ પડશે નહી.
• તમામ પ્રકારના રાજકીય, સામાજીક, ધાર્મિક, સાંસ્કૃતિક, શૈક્ષણિક, કાર્યક્રમો/મેળાવડાઓ સદંતર બંધ રહેશે.
• પ્રેક્ષકોની ઉપસ્થિતિ વગર સ્પોર્ટ્સ કોમ્પ્લેક્ષ/સ્પોર્ટ્સ  સ્ટેડીયમ/સંકુલમાં પ્રેક્ષકો વગર રમતગમત  ચાલુ રાખી શકાશે.
• તમામ ધાર્મિક સ્થાનો જાહેર જનતા માટે બંધ રહેશે. ધાર્મિક સ્થાનો ખાતેની દૈનિક પૂજા/વિધિ ધાર્મિક સ્થાનોના સંચાલકો/પૂજારીશ્રીઓ દ્વારા જ કરવાની રહેશે. 
• પબ્લિક બસ ટ્રાન્સપોર્ટ મહત્તમ 50% પેસેન્‍જર કેપેસીટીમાં ચાલુ રહેશે.