રાજ્યમાં આજે પણ અતિભારે વરસાદની સ્થિતિ છે. રાજકોટના ગોંડલમાં સૌથી વધુ 4 ઈંચ વરસાદ ખાબક્યો છે. ભારે વરસાદને પગલે ગોંડલ સ્વામિનારાયણ મંદિરનો કેટલોક વિસ્તાર ડૂબી ગયો હતો. આ ઘટનાના વીડિયો સોશિયલ મીડિયામાં વાયરલ થયાં હતા.
રાજ્યમાં આજે પણ અતિભારે વરસાદની સ્થિતિ
રાજકોટ જિલ્લો હાઇએલર્ટ પર
ગોંડલ સ્વામિનારાયણ મંદિર પાણી-પાણી
રાજકોટ જિલ્લો હાઇએલર્ટ પર છે. ભારે વરસાદને પગલે જિલ્લાના 9 ડેમ છલોછલ ભરાયા હતા અને 15 ડેમ ઓવરફ્લો થયાં છે. તો ગોંડલ અને રાજકોટમાં SDRFની ટુકડી તૈનાત કરવામાં આવી છે. પ્રાંત અધિકારી-મામલતદાર સહિતના અધિકારીઓની રજા રદ્દ કરવામાં આવી છે.
જિલ્લના
#Correction Gujarat: Part of BAPS Swaminarayan temple, located in Gondal city of Rajkot district, submerged in deep water following heavy rains in the area pic.twitter.com/LYeZpQNmB0
મોરબીમાં ધોધમાર વરસાદ પડી રહ્યો છે. મોરબીના આમરણ વિસ્તારમાં સૌથી વધુ વરસાદ પડ્યો છે. ભારે વરસાદના કારણે ખેતરોમાં પાણી ભરાઇ ગયા છે. અને પાકને મોટું નુકસાન થયું છે. કપાસના ખેતરોમાં પાણી ભરાઇ જતા પાકને નુકસાન થયું છે. ત્યારે ધારાસભ્ય લલિત કગથરા પોતાના મતવિસ્તારમાં નીકળ્યા અને સ્થિતિનો તાગ મેળવ્યો છે.
મચ્છુ નદી ગાંડીતૂર બની
મોરબીમાં ધોધમાર વરસાદ પડ્યો છે. ભારે વરસાદના કારણે મચ્છુ-2 ડેમમાં પાણીની આવક થઇ છે. જેને લઇ મચ્છુ-2 ડેમના 16 દરવાજા 12 ફૂટ ખોલવામાં આવ્યા છે. ત્યારે ડેમમાંથી પાણી છોડવામાં આવતા મચ્છુ નદી ગાંડીતૂર બની છે. મચ્છુ નદીમાં પાણી છોડાતા નદી બે કાંઠે વહી રહી છે.
વરસાદને લઇ NDRF ટીમો તૈનાત કરાઇ
રાજ્યમાં ભારે વરસાદને લઇ NDRF ટીમો તૈનાત કરવામાં આવ્યા છે. વિવધ જિલ્લામાં NDRFની 13 ટીમો તૈનાત કરવામાં આવી છે. જ્યારે NDRF-SDRFની અન્ય 13 ટીમો સ્ટેન્ડ બાય રાખવામાં આવી છે. અમરેલી, કચ્છ અને ગીર સોમનાથમાં એક-એક ટીમ તૈનાત કરાઇ છે.
તો છોટાઉદેપુર, દ્વારકા, નવસારી, દાહોદ, બનાસકાંઠા અને મહિસાગરમાં એક-એક ટીમ તૈનાત કરાઇ છે. જ્યારે મોરબી, રાજકોટ, વલસાડ અને પાટણમાં પણ ટીમ તૈનાત કરાઇ છે. ભારે વરસાદને લઇ NDRF અને SDRFની ટીમો તૈનાત કરવામાં આવી છે.
સુરેન્દ્રનગરમાં ભોગાવો નદી બે કાંઠે વહી
સુરેન્દ્રનગર અને વઢવાણ શહેરી વિસ્તારોમાં ધોધમાર વરસાદ પડ્યો છે. ભારે વરસાદના કારણે ડેમ અને નદીઓમાં પાણીની નવી આવક થઇ છે. નાયકા અને ધોળીધજા ડેમ ઓવરફ્લો થતા ભોગાવો નદી બે કાંઠે વહી રહી છે. ત્યારે તંત્ર દ્વારા તમામ કોઝવે અને રસ્તાઓ બંધ કરી દીધા છે.
ગીર સોમનાથમાં સાર્વત્રિક વરસાદ
ગીર સોમનાથ જિલ્લામાં પણ સાર્વત્રિક વરસાદ વરસ્યો છે. ભારે વરસાદના કારણે નદી-નાળાઓ છલકાઇ ગયા છે. ઉપરવાસમાંથી પાણીની આવક થતા સિંગોડા ડેમના દરવાજા ખોલવામાં આવ્યા છે. સિંગોડા ડેમના 5 દરવાજા 3 ફૂટ સુધી ખોલાયા છે. જેને લઇને રૂદ્રેશ્વર ચેકડેમનું રૌદ્ર સ્વરૂપ મળી રહ્યું છે.
જામનગરનું બાલભા ગામ બેટમાં ફેરવાયું
જામનગરનું બાલભા ગામ બેટમાં ફેરવાઇ ગયું છે. બાલભા ગામના રસ્તાઓ પર પાણી ફરી વળ્યા છે. સીમવાડી વિસ્તારમાં 100 જેટલા લોકો અટવાયા છે. અને જો હજુ પણ વરસાદ પડે તો મુશ્કેલી પડી શકે છે.
રાજ્યમાં ભારે વરસાદની આગાહી
રાજ્યમાં ભારે વરસાદની આગાહી કરવામાં આવી છે. સૌરાષ્ટ્ર અને દક્ષિણ ગુજરાતમાં ભારે વરસાદની આગાહી કરવામાં આવી છે. અમદાવાદમાં પણ 24 કલાક દરમિયાન સારા વરસાદની પણ શક્યતા છે. બંગાળની ખાડીમાં વધુ એક લો પ્રેશર સક્રિય થયું છે.
જેના કારણે સુરેન્દ્રનગર, મોરબી, જામનગર, દ્વારકા, અને કચ્છમાં ભારે વરસાદની સંભાવના છે. તો અન્ય જિલ્લામાં પણ હળવાથી ભારે વરસાદની શક્યતા છે. ભારે વરસાદની આગાહીને લઇને 48 કલાક સુધી દરિયો ન ખેડવા માછીમારોને સૂચના આપવામાં આવી છે.