આરોગ્ય કર્મચારીઓની ગ્રેડ-પે રૂપિયા 1 હજાર 900 થી વધારી રૂપિયા 2 હજાર 800 કરવા માગ, અન્ય પડતર માંગો લઈ સરકાર સામે માંડ્યો મોરચો
માગ માટે ઉગામયું હડતાળનું શસ્ત્ર
પંચાયત વિભાગના આરોગ્ય કર્મચારીઓ હડતાળ પર
રાજકોટ, નવસારી,આણંદ સહિત રાજ્યભરમાં વિરોધ
પંચાયત વિભાગના તમામ આરોગ્ય કર્મચારીઓ આજે હડતાળ પર રહ્યાં. આરોગ્ય કર્મચારીઓ પડતર માંગણીને લઇ ચોથી વખત હડતાળ પર રહ્યાં. આ હડતાળ ગુજરાત રાજ્ય આરોગ્ય કર્મચારી મહાસંઘના નેજા હેઠળ કરવામાં આવી છે. અગાઉ આરોગ્યકર્મીઓ 2017, 2019 અને 2021માં હડતાળ પર ઉતર્યા હતા. આ સમયે સરકારે માંગણીઓનું સમાધાન માટે આશ્વાસન આપ્યું હતું. આમ છતાં માંગણી નહીં સંતોષાતા આરોગ્ય કર્મચારીઓ આજે હતડાળ પર ઉતરી જતાં આરોગ્ય સેવા ખોરંભે ચડી છે. ઉલ્લેખનીય છે કે, આરોગ્ય કર્મચારીઓએ ગ્રેડ-પે રૂપિયા 1 હજાર 900થી વધારી રૂપિયા 2 હજાર 800 કરવા માગ કરી છે. સાથે કોવિડ સમયમાં જે કામગીરી કરી હતી, તેનું ભથ્થું આપવા માગ કરી છે.
કર્મચારીઓની માગ શું?
આરોગ્ય વિભાગના કર્મચારીઓ હડતાળ પર
પંચાયત વિભાગના આરોગ્ય કર્મચારીઓની હડતાળ
પડતર માંગણીઓને લઈ આરોગ્ય કર્મચારીઓ હડતાળ પર
ગુજરાત રાજય આરોગ્ય કર્મચારી મહાસંઘના નેજા હેઠળ હડતાળ
ગ્રેડ-પે સહિતના મુદ્દાઓને લઇ ચોથી વખત આરોગ્ય કર્મચારીઓની હડતાળ
2017, 2019 અને 2021માં કર્મચારીઓ માંગણીઓને લઇ હડતાળ કરી હતી
અગાઉ સરકારે માંગણીઓનું સમાધાન માટે આપ્યું હતું આશ્વાસન
આરોગ્ય કર્મચારીઓની ગ્રેડ-પે રૂપિયા 1 હજાર 900 થી વધારી રૂપિયા 2 હજાર 800 કરવા માગ
કોવિડ સમયમાં કરેલા કામનું ભથ્થુ આપવા માગ
ફેરણી ભથ્થુ (PTA) આપવા કર્મચારીઓની માગ
નવસારી આરોગ્ય વિભાગના 500 કર્મીઓ હડતાળ પર
વર્ગ-3ના કર્મચારીઓની અચોક્કસ મુદ્દતની હડતાળમાં નવસારી આરોગ્ય વિભાગના 500 આરોગ્ય કર્મીઓ જોડાયા. પોતાના પડતર પ્રશ્નોને લઈને આરોગ્ય કર્મચારીઓની અનેક રજૂઆત બાદ પણ કોઈ નિરાકરણ ન આવતા છેવટે હડતાળનું શસ્ત્ર ઉગામ્યું છે. હડતાળ દરમિયાન કોઈપણ દર્દીને અગવડતા ન પડે તે માટે જિલ્લા આરોગ્ય વિભાગ દ્વારા કોન્ટ્રાકચ્યુઅલ કામ કરતા કર્મચારીઓને નિમણૂક કરવામાં આવી છે. આ સાથે જ દરેક પ્રાથમિક આરોગ્ય કેન્દ્ર ઉપર ત્રણ લોકોનો સ્ટાફ મૂકવામાં આવ્યો છે. જિલ્લામાં 150 થી વધુ કોન્ટ્રાક્ટ પર કામ કરતાં કર્મચારીઓની નિમણુંક કરવામાં આવી છે.
રાજકોટમાં 400 જેટલા કર્મચારીઓ હડતાળમાં જોડાયા
રાજકોટમાં આજથી આરોગ્ય વિભાગના કર્મચારીઓ અચોક્કસ મુદતની હડતાલ પર ઉતર્યા છે. હડતાલ પર ઉતરેલા જિલ્લા આરોગ્ય વિભાગના કર્મચારીઓએ સુત્રોચાર કરી વિરોધ નોંધાવ્યો. આ હડતાલ અંતર્ગત રાજકોટ જિલ્લામાં 400 જેટલા કર્મચારીઓ કામકાજથી અળગા રહ્યા. આરોગ્ય કર્મચારીઓ વિવિધ પડતર માંગને લઈને હડતાલ પાર ઉતર્યા છે. જેમાં 2,800 ગ્રેડ પે, કોરોના વોરિયર્સ ભથ્થા સહિતની માંગનો સમાવેશ થાય છે.
આણંદમાં 500 આરોગ્ય વર્કર હડતાળ પર
આણંદ જિલ્લાના પણ 53 PHC સેન્ટરના 500થી વધુ આરોગ્ય વર્કરો હડતાલ ઉતરી ગયા છે. ગ્રેડ પે રજા પગાર તથા કોરોના વોરિયર્સ તરીકેનું ભથ્થું સહિતની માંગ સાથે સરકાર સામે મોરચો માંડ્યો છે.