કોરોનાના બિહામણા દ્રશ્ય વચ્ચે આજે રાજ્યમાં કોરોના નવા 351 દર્દી સામે આવ્યાનું આરોગ્ય તંત્રના સત્તાવાર રીતે જાહેર થવા પામ્યું છે.
રાજ્યમાં કોરોના નવા 351 કેસ નોંઘાયા
રાજ્યમાં એક્ટિવ કેસનો આંક 2176 પર પહોંચ્યો
સૌથી વઘુ અમદાવાદમાં 92 કેસ
રાજ્યમાં કોરોના કહેર ફરી માથું ઊંચકી રહ્યો હોય તેમ દૈનિક કેસમાં વધારો આવી રહ્યો છે. કોરોના સંક્રમણ ચિંતાજનક રીતે વધી રહ્યું હોવાથી તંત્ર પણ એલર્ટ મોડમાં આવી ગયું છે. આવી સ્થિતિ વચ્ચે આજે રાજ્યમાં કોરોના નવા 351 કેસ ઉમેરાયા હોવાનું આરોગ્ય તંત્રના સત્તાવાર રીતે જાહેર થવા પામ્યું છે. બીજી બાજુ વધતા જતા કોરોના કેસોને લઈને રાજ્યમાં એક્ટિવ કેસનો આંક 2176 પર પહોંચી ગયો છે.
— VTV Gujarati News and Beyond (@VtvGujarati) April 5, 2023
ગાંધીનગરમાં 28, મહેસાણામાં 22, સાબરકાંઠામાં 19 કેસ
શહેર જિલ્લા વાર કોરોના કેંસની વાત કરવામાં આવે તો આજે પણ દરરોજની માફક સૌથી વઘુ અમદાવાદમાં નોંધાયા છે. અમદાવાળમાં 92 કેસ વડોદરામાં 42, સુરતમાં 38, મોરબીમાં 35 કેસ ગાંધીનગરમાં 28, મહેસાણામાં 22, સાબરકાંઠામાં 19 કેસ સામે આવ્યા છે. એજ રીતે રાજકોટમાં 18, બનાસકાંઠામાં 10, કચ્છમાં 9 કેસ ભરૂચમાં 8, પંચમહાલ અને સુરેન્દ્રનગરમાં 4-4 કેસ વલસાડમાં 4, નવસારીમાં 3, અમરેલી અને આણંદમાં 2-2 કેસ અને અરવલ્લી, ભાવનગર, ખેડા, પોરબંદરમાં 2-2 કેસ તથા ગીર સોમનાથ, જામનગર અને મહિસાગરમાં 1-1 કેસ નોંધાયા હોવાનું બહાર આવ્યું છે.
2176 એક્ટિવ કેસમાં 9 દર્દીઓની હાલત ગંભીર
વધુમાં કુલ 2176 એક્ટિવ કેસમાં 9 દર્દીઓની હાલત ગંભીર હોવાથી તેમને વેન્ટિલેટરનો સહારો લેવાની નોબત આવી છે. જે વેન્ટિલેટર પર જીવન મરણ વચ્ચે ઝોલા ખાઈ રહ્યા છે. આજે 395 દર્દીઓએ કોરોનાને હરાવ્યો છે. પરિણામે રાજ્યમાં કોરોનાથી સાજા થવાનો દર 98.97 ટકા હોવાનું જાણવા મળી રહ્યું છે.