ગુજરાતમાં આગામી 28 કલાક ભારે વરસાદની આગાહી આપવામાં આવી છે, ત્યારે રાજ્યમાં હાલ સાર્વત્રિક વરસાદ વરસી રહ્યો છે. છેલ્લા 24 કલાકમાં રાજ્યના 251 તાલુકામાં મેઘમહેર જોવા મળી રહી છે. ત્યારે રાજ્યમાં અત્યાર સુધીમાં સિઝનનો 94.57 ટકા વરસાદ નોંધાયો છે.
ગુજરાતમાં આગામી 48 કલાક ભારે વરસાદની આગાહી
છેલ્લા 24 કલાકમાં રાજ્યના 251 તાલુકામાં વરસાદ
ગુજરાતમાં અત્યાર સુધી સિઝનનો 94.57 ટકા વરસાદ થયો
ગુજરાતમાં આગામી 48 કલાક ભારે વરસાદની આગાહી
ગુજરાતમાં છેલ્લા થોડા દિવસથી સાર્વત્રિક વરસાદ વરસી રહ્યો છે. ત્યારે હવામાન વિભાગ દ્વારા આગામી 48 કલાક ભારે વરસાદની આગાહી આપવામાં આવી છે. આ સાથે રાજ્યના દરિયાકાંઠા વિસ્તારોમાં પવન સાથે વરસાદ વરસી શકે છે. દક્ષિણ કાંઠાના વિસ્તારમાં 60 કિમીની ઝડપે પવન ફૂંકાઇ શકે છે.
ગુજરાતમાં અત્યાર સુધી સિઝનનો 94.57 ટકા વરસાદ નોંધાયો
રાજ્યમાં પડી રહેલા અવિરત વરસાદના પગલે અત્યાર સુધીમાં 94.57 ટકા વરસાદ નોંધાયો છે. જો કે હજુ આગામી 48 કલાક રાજ્યમાં ભારે વરસાદની આગાહી આપવામાં આવી છે. ગુજરાતના 108 જળાશયો હાઇઅલર્ટ પર રાખવામાં આવ્યાં છે. રાજ્યમાં 44 નદીઓ અને 41 મોટા તળાવો ઓવરફ્લો થયા છે.
છેલ્લા 24 કલાકમાં રાજ્યના 251 તાલુકામાં વરસાદ
રાજ્યમાં વરસાદી માહોલ જામ્યો છે. ક્યાંક ધોધમાર તો કયાંક ધીમીધારે વરસાદ વરસ્યો છે. વરસાદના કારણે નદી-નાળા અને ડેમો છલકાઇ ગયા છે. નદીઓમાં પૂરની સ્થિતિ સર્જાતા નીચાણવાળા વિસ્તારોને અલર્ટ કરી દેવાયા છે. રાજ્યના અનેક જિલ્લાઓના રસ્તાઓ પણ પાણી પાણી થઇ ગયા છે.
એક દિવસમાં રાજ્યમાં 251 તાલુકામાં ભારે વરસાદ ખાબક્યો છે. જેમાં સૌથી વધારે મહેસાણાના કડીમાં પોણા 12 ઈંચ વરસાદ ખાબક્યો છે. જોડિયામાં 11 ઈંચ, ટંકારામાં 10 ઈંચ, બેચરાજીમાં 9 ઈંચ, ઉમરપાડામાં 9 ઈંચ, સરસ્વતિમાં સવા 8 ઈંચ અને મોરબીમાં 8 ઈંચ વરસાદ વરસ્યો છે.