ગુજરાત / VIDEO : અસામાજિક તત્વોનો આતંક યથાવત, જાહેરમાં યુવક પર 4થી 5 શખ્સો તૂટી પડ્યા

રાજ્યના વિવિધ શહેરોમાં મારામારીના બનાવો જાણે સામાન્ય બની ગયા હોય તેમ રોજ બરોજ ઘટનાઓ બની રહી છે. મોટા શહેરોમાં નાની નાની વાત મારામારી જેવી ઘટના તો બને છે પરંતુ હવે ઉના જેવા વિસ્તારોમાં પણ કાયદા અને વ્યવસ્થાની સ્થિતિ કથળી હોય તેવું જણાઈ રહ્યું છે. ઉનામાં અસામાજિક તત્વોના આતંકનો વીડિયો વાયરલ થયો છે.

જાહેરમાં યુવક પર 4થી 5 શખ્સો માર મારવા તૂટી પડ્યા

વાયરલ થયેલા વીડિયોમાં જોઈ શકાય છે કે, જાહેરમાં યુવક પર 4થી 5 શખ્સો તૂટી પડે છે અને લાકડી વડે માથાના ભાગે ત્રણથી ચાર ફટકા મારે છે. જે માર મારવાની ઘટના CCTVમાં પણ કેદ થઈ છે. ત્યારે આ મારામારીની ઘટનાને લઈને પોલીસ ક્યારે એક્શન લેશે તે સૌથી મોટો સવાલ છે.

અસામાજિક તત્વો કેમ બેફામ બની રહ્યાં છે ?

હવે સામાન્ય પ્રજા માટે દિવસે ને દિવસે કપરું થઈ રહ્યું છે. કારણકે, અસામાજિક તત્વોને કદાચ પોલીસનો ડર નથી રહ્યો. છાશવારે લુખ્ખાતત્વોની દાદાગીરીની ઘટનાઓ સામે આવે છે. ત્યારે જાહેરમાં મારામારીની ઘટના બનતા હવે પ્રજામાં પણ લુખ્ખા તત્વોનો ડર જોવા મળ્યો છે.

આ પણ વાંચો: અમદાવાદમાં નીકળી ભવ્ય તિરંગા યાત્રા, કેન્દ્રીય ગૃહમંત્રી અમિત શાહ પણ જોડાયા

સળગતા સવાલ

• અસામાજિક તત્વો અવારનવાર બેફામ કેમ બને છે?
• અસામાજિક તત્વોને કાયદાનો ભય કેમ નથી?
• શું અસામાજિક તત્વો માટે અલગ કાયદો છે?
• આતંક મચાવનારા લુખ્ખાઓની ધરપકડ ક્યારે થશે?
• આ લુખ્ખાઓને કોણ કોણ છાવરી રહ્યું છે?
• અસામાજિક તત્વો પર દાખલારૂપ કાર્યવાહી કેમ નથી થતી?
• શું પોલીસ આવા લુખ્ખાઓનો બચાવ કરે છે?

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ