ક્રાઈમ / મોરબીમાં 1 કરોડની લૂંટ, આંગડિયા પેઢીના કર્મચારી પાસેથી રૂપિયા છીનવી લૂંટારૂઓ ફરાર

રાજ્યમાં ગુનાખોરી વધતી જતી હોય તેમ ઘટનાઓ પ્રકાશમાં આવી રહી છે. ક્યાંક લૂંટ, તો ક્યાંક મારામારી, ચોરી જેવી ક્રાઈમની ઘટનાઓમાં નોંધપાત્ર વધારો જોવા મળી રહ્યો છે. ત્યારે મોરબીમાં 1 કરોડની લૂંટથી ખળભળાટ મચી છે.

અંદાજિત 1 કરોડની કરવામાં આવી લૂંટ

રાજકોટ આંગડિયા પેઢીના યુવકની કારને આંતરી લૂંટ કરાઈ હોવાની ઘટના સામે આવી છે. ફરિયાદીની કારને સતત ટક્કર મારી લૂંટ કરવામાં આવી છે. અત્રે જણાવીએ કે, ટંકારા નજીક ખજૂરા હોટલ આવતા સમયે આ ઘટના બની હતી.

આ પણ વાંચો: ગુજરાત સરકારનો મહત્વનો નિર્ણય, રેઈન વોટર હાર્વેસ્ટિંગ માટે 50 લાખ રૂપિયાની જોગવાઈ

પોલીસ અધિકારીનું નિવેદન

પોલીસ અધિકારીએ જણાવ્યું કે, ''દિનેશભાઈના નામના ફરિયાદી વ્યક્તિ આગાડીયા પેઢી ચલાવે છે. જેઓ રાજકોટથી ધંધાર્થી પૈસા લઈને મોરબી તરફ જઈ રહ્યાં હતા. ત્યારે તેમને બોલેરોએ ટક્કર મારી હતી, ત્યારે તેમને અંદાજ આવ્યો હતો કે, તેમની પાસે રોકડ રકમ છે જેના પગલે આ થઈ રહ્યું છે. આમ જોતા થોડીવારમાં બીજી પોલો ગાડી આવી અને તેમાથી કેટલાક શખ્સો ધોકા સાથે નીચે ઉતર્યા હતા. આ દરિયમાન અંદાજે 1 કરોડ રૂપિયાની લૂંટ થઈ હતી. જેના પગલે નાકાબંધી કરવામાં આવી છે''

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ