ગુજરાત / દાહોદમાં અનરાધાર વરસાદથી યુવક પાણીમાં ફસાયો, ગામલોકોએ કર્યું દિલધડક રેસ્ક્યૂ

Gujarat Rain : ગુજરાતમાં ચોમાસાની એન્ટ્રીની સાથે જ રાજ્યમાં સારો વરસાદ નોંધાઈ રહ્યો છે. સૌરાષ્ટ્ર બાદ હવ મેઘરાજા ઉત્તર ગુજરાતને ઘમરોળી રહ્યાં છે. રાજ્યના મોટાભાગના જિલ્લાઓમાં વરસાદી માહોલ જોવા મળી રહ્યો છે. ખાસ કરીને ઉત્તર ગુજરાતમાં મેઘરાજા અવિરત કૃપા વરસાવી રહ્યા છે.

ઉત્તર ગુજરાતના અનેક વિસ્તારો ભારે વરસાદને કારણે પાણી-પાણી થઇ ગયા છે. જ્યાં નજર કરો ત્યાં પાણી સિવાય કંઈજ નજરે પડતું નથી. અતિભારે વરસાદને કારણે દાહોદમાં રસ્તા પર નદીઓ વહેતી થઈ ગઈ છે. દાહોદમાં જળબંબાકારીની સ્થિતિ સર્જાઈ છે. દાહોદ અને લીમડીને જોડતા માર્ગ પર ફરી વળ્યા હતા.

દાહોદ અને લીમડીને જોડતા માર્ગ પર નેશનલ કોરિડોરનું કામ ચાલુ હોવાથી રસ્તા પર પાણી ફરી વળ્યા હતા. લોકોની હાલત ખુબ જ દયનીય અને કફોડી થઈ છે. ધોધમાર વરસાદને કારણે અનેક વિસ્તારો જળમગ્ન થયા હતા. મુશળધાર વરસાદને કારણે વરસાદી પાણી રસ્તા પર ફરી વળ્યા હતા.

આ પણ વાંચો : ગુજરાત સરકારનો હિતલક્ષી નિર્ણય, વિઝીટીંગ તજજ્ઞ ડોકટરોના માનદ વેતનમાં કરાયો વધારો

ભારે પાણીના પ્રવાહમાં એક વ્યક્તિ ફસાયો હતો. આ ઘટનાની ખબર પડતાં જ ગ્રામજનો મદદ માટે આવી પહોંચ્યા હતા. ગામના સ્થાનિકો દ્વારા આ યુવકનું સફળ રેસ્ક્યૂ કરવામાં આવ્યું હતું. આ ઘટનાની જાણ થતાં પોલીસ પણ ઘટનાસ્થળે દોડી આવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ