કતારમાં કલાકો / રાજકોટની બહુમાળી કચેરીએ વિદ્યાર્થીઓ-અરજદારોની લાંબી કતારો, સર્ટીફિકેટ લેવા કલાકો સુધી રાહ જોવાની મજબૂરી

બહુમાળી કચેરીએ વિદ્યાર્થીઓ અને અરજદારોની લાંબી કતારો જોવા મળી રહી છે. જાતિના દાખલા, નોન ક્રિમિનલ લેયરનું પ્રમાણપત્ર વગેરે કઢાવવા માટે લાંબી કતારો લાગી છે. ધોરણ 10 અને 12નું રિઝલ્ટ આવ્યા બાદ દર વર્ષે આ જ પ્રકારની સ્થિતિ જોવા મળતી હોય છે.

આ પણ વાંચોઃ સગીર વિદ્યાર્થી સાથે ફરાર થવાનો મામલો, શિક્ષિકાને કોર્ટે ગર્ભપાતની આપી મંજુરી

સવારથી જ અરજદારો અલગ અલગ પ્રમાણપત્ર કઢાવવા માટે લાઈનમાં ઉભા રહેવા મજબૂર બન્યા છે. પ્રમાણપત્ર કઢાવવા માટે સ્ટાફ વધારવાની અરજદારો અને વિદ્યાર્થીઓની માંગ છે.. કારણ કે અરજદારો સવારે આઠ વાગ્યાથી લાઇનમાં ઉભા રહે તો પણ ઘણીવાર નંબર નથી આવતો અને પાછા જવું પડે છે.

આખા શહેર અને જિલ્લામાંથી યુવાનો દાખલા કઢાવવા અને અન્ય યોજનાની કામગીરી માટે આ કચેરીમાં આવે છે. અરજદારોની સંખ્યા સતત વધી રહી હોવાથી લાંબી લાંબી કતારો લાગે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ