અમદાવાદ / 'વિદ્યાર્થીઓના મૃત્યુઆંકની વાત અફવા' વિમાન દુર્ઘટના પર જુનિયર ડોક્ટર એસોસિએશનની સ્પષ્ટતા

અમદાવાદ વિમાન દુર્ઘટના પર જૂનિયર ડૉક્ટર એસોસિએશનની સ્પષ્ટતા સામે આવી છે. મેડિકલ વિદ્યાર્થીઓના મોત મુદ્દે જૂનિયર ડૉક્ટરે કહ્યું કે, વિદ્યાર્થીઓના મૃત્યુઆંક વધારે હોવાની વાત અફવા છે. પ્લેન ક્રેશમાં BJ મેડિકલના 4 વિદ્યાર્થીઓના મોત થયાની સ્પષ્ટતા પણ કરી છે.

જૂનિયર ડૉક્ટર એસોસિએશનએ શું કરી સ્પષ્ટતા?

જૂનિયર ડૉક્ટર એસોસિએશનએ કહ્યું કે, 'MBBSના 4 વિદ્યાર્થીઓના મોત અને 20 વિદ્યર્થીઓ ઘાયલ થયા છે, 11 વિદ્યાર્થીઓને સામાન્ય સારવાર પછી રજા અપાઈ છે. 1 રેસિડેન્ટ ડૉક્ટરની પત્ની સારવાર હેઠળ છે. ઘટના સમયે 50થી વધુ લોકો મેસમાં હતા'. એસોસિએશનએ કહ્યું કે, 'પ્લેન ક્રેશ થતા હોસ્ટેલમાં હાજર 9 લોકોના મોત થયા હતા. MBBSના 4 ડૉકટર અને અન્ય સંબંધીઓ મૃત્યુ પામ્યા છે'

4 ડૉક્ટરોના મૃતદેહો પરિવારજનોને સોંપાયા

અમદાવાદ વિમાન દુર્ઘટનાના 11 મૃતકોના મૃતદેહો સોંપાયા છે. 4 ડૉક્ટરોના મૃતદેહો પરિવારજનોને સોંપાયા છે. મેસમાં મૃત્યુ પામનારા અન્ય 4 લોકોના મૃતદેહો પણ સોંપવામાં આવ્યા છે. 3 મૃતદેહ DNA ટેસ્ટ થયા પછી પરિવારજનોને સોંપવામાં આવ્યા છે

આ પણ વાંચો: છોટાઉદેપુરમાં વીજળી કાળ બનીને ત્રાટકી, બે યુવાનોના મોત અને 7 ઈજાગ્રસ્ત

ર્ઘટનામાં ઘણા પીડિત પરિવાર દુખમાં સરી પડ્યા

એક તરફ અમદાવાદની પ્લેન દુર્ઘટનામાં ઘણા પીડિત પરિવાર દુખમાં સરી પડ્યા છે ત્યારે લંડનમાં અમરેલીની બે દીકરીઓ જેઓ માતા પિતાથી વિખુટી પડી છે તેઓ માટે ગુજરાતી સમાજ મદદે આવ્યું છે. અર્જુન પટોળીયા પોતાની પત્નીના અસ્થિનું વિસર્જન કરવા આવ્યા હતા. પરંતુ પત્નીની અંતિમ ઈચ્છા પુરી કરી પરત ઘરે ફરી ન શક્યા. તેવામાં હવે તેમની બે દીકરીઓ મા-બાપ વિહોણી બની છે. પરંતુ લંડનની આ બે દીકરીઓ માટે ગુજરાતી સમાજ આગળ આવ્યો છે. દીકરીઓની મદદ માટે ઓનલાઈન દાનની અપીલ કરી હતી જેમાં ગુજરાતીઓએ દિલ ખોલીને 2.5 કરોડનું દાન કર્યું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ