વાયરલ વીડિયો / જૂનાગઢમાં રખડતા ઢોરે યુવાનને શિંગડે ચડાવ્યો, વીડિયો જોઈ કંપારી છૂટી જશે

Junagadh News : ગુજરાતમાં રખડતા ઢોરનો આતંક ચરમસીમાએ છે. રખડતા ઢોરની અડફેટે અવાર નવાર લોકો આવી જતા હોય છે અને જાનમાલનું નુકસાન પણ કરી બેસતા હોય છે. રખડતા ઢોરનો કડવો અનુભવ ગુજરાત સરકારમાં પૂર્વ મંત્રી રહી ચુકેલા નીતિન પટેલને પણ થયો છે. હાઇકોર્ટ પણ અનેક વખત સરકારની ઝાટકણી કાઢી ચુકી છે. જો કે આ સમસ્યાનો ઉકેલ લાવવામાં સરકાર નિષ્ફળ રહી છે.

જૂનાગઢનો કંપારી છુટે તેવો વીડિયો

જૂનાગઢના માંગરોળમાં રખડતા ઢોરનો આતંક દિવસેને દિવસે વધતો જઇ રહ્યો છે. માંગરોળમાં તિરૂપતિ સ્કુલની સામે રખડતા ઢોરે એક બાઇક ચાલકને અડફેટે લીધો હતો. દુકાન પર સામાન લેવા માટે પોતાની બાઇક પર ઉભેલા એક શખ્સને આખલાએ ભેટુ મારતા ગંભીર ઇજા થઇ છે. ઢોરને અડફેટે ચડેલા યુવાનને ગંભીર ઇજાઓ પહોંચતા તત્કાલ સારવાર માટે નજીકની હોસ્પિટલમાં સારવાર માટે ખસેડવામાં આવ્યો હતો. સમગ્ર ઘટનાના સીસીટીવી વાયરલ થઇ રહ્યા છે.

સમગ્ર ગુજરાતમાં રખડતા ઢોરનો ત્રાસ

ગુજરાતમાં રખડતા ઢોરના કારણે માત્ર મહાનગરો નહી પરંતુ ગુજરાતના દરેક નગરના નાગરિકો પરેશાન છે. કોઇ જિલ્લો, તાલુકો કે ગામ બાકી નથી જ્યાં રખડતા ઢોરનો આતંક નથી. સ્થાનિક તંત્રથી માંડીને સરકાર આ મામલે માત્ર દેખાવ જ કરતી રહે છે પરંતુ કોઇ નક્કર કાર્યવાહી થઇ નથી. રખડતા ઢોરથી ન માત્ર સામાન્ય નાગરિક પરંતુ ખેડૂતો પણ પરેશાન હોવા છતા તેનો કોઇ ઉકેલ સરકાર આજદીન સુધી લાવી શકી નથી.

અન્ય એક વીડિયો

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ