આજથી શરૂ થતા નવા મોટર એક્ટમાં તમારી પાસેથી દંડ કોણ વસુલી શકે તે જાણી લેશો તો રાહત થઈ જશે. લાયસન્સ, PUC અને RC બૂક જેવાં તમામ ડોક્યુમેન્ટ માંગવાની અને તે ન હોય તો દંડ કરવાની સતા ગુજરાત પોલીસ હેડ કોન્સ્ટેબલ અને આસિસ્ટન્ટ RTO કે તેમનાથી ઉપરનો હોદ્દો ધરાવતા અધિકારીઓને જ છે.
અધિકારી પાસે તેનું ID કાર્ડ માંગી શકો છો
ડોક્યુમેટ આપની પાસે હાર્ડ કોપીમાં ન હોય તો પણ તમે ડિજિ લોકર અને એમ પરિવહનમાં સોફ્ટ કોપી બતાવી શકો
RTOનાં ક્લાર્ક કે પછી RTO ઈન્સ્પેક્ટરનાં મદદનીશ અધિકારીઓ દંડ વસૂલી શકે નહી
આ અંગે CM રૂપાણીએ જ્યારે નવા દંડ માટેની પત્રકાર પરિષદ સંબોધી હતી ત્યારે પણ સ્પષ્ટતા કરી હતી. આ સાથે પ્રજા તરીકે કોઈપણ વ્યક્તિ જ્યારે કોઈ પણ અધિકારી તમને રોકે છે અથવા દંડની માંગણી કરે છે ત્યારે આપ વિનમ્રતાથી જે તે અધિકારી પાસે તેનું ID કાર્ડ માંગી શકો છો. આ ઉપરાંત જો આ ડોક્યુમેટ આપની પાસે હાર્ડ કોપીમાં ન હોય તો પણ તમે ડિજિ લોકર અને એમ પરિવહનમાં સોફ્ટ કોપી પણ બતાવી શકો છો જે માન્ય ગણાશે.
આ અધિકારી તમારી પાસેથી દંડ વસુલી ના શકે
ટ્રાફિક વોર્ડન ( મોટા ભાગે જેમણે બ્લુ પેન્ટ, સફેદ શર્ટ અને બ્લુ અથવા સફેદ ટોપી પહેરી હોય છે)
હોમગાર્ડના જવાનો ( મોટા ભાગે જેમણે ખાખી પેન્ટ અને શર્ટ સાથે ખાખી ટોપી પહેરી હોય છે)
સામાન્ય ટ્રાફિક કોન્સ્ટેબલ ( મોટાભાગે જેમણે ખાખી પેન્ટ, સફેદ શર્ટ અને બ્લુ ટોપી પહેરી હોય છે)
RTOનાં ક્લાર્ક કે પછી RTO ઈન્સ્પેક્ટરનાં મદદનીશ અધિકારીઓ
ક્યા અધિકારી તમારી પાસેથી દંડ વસુલી શકે?
પોલીસ હેડ કોન્સ્ટેબલ ( ખાખી પેન્ટ અને શર્ટ અથવા ખાખી પેન્ટ અને સફેદ શર્ટ બંનેમાં બ્લુ ટોપી પહેરી હોય છે)
આસિટન્ટ RTO ઈન્સ્પેક્ટર ( ખાખી પેન્ટ અને શર્ટ પહેરેલા હોય છે)
ઉપરના બે સહિત પોલીસ અને RTOનાં તમામ ઉપરી અધિકારીઓ
PUC વિના 30 સપ્ટેમ્બર સુધી જૂના નિયમ પ્રમાણે દંડ થશે
નવા નિયમ પ્રમાણે દંડની રકમમાં વધારો કરવામાં આવ્યો છે. હેલ્મેટ, લાયસન્સ, સીટ બેલ્ટ વિના વાહન ચલાવવા પર નવાદંડ લગાવવામાં આવ્યા છે. ત્રિપલ સવારી, ઓવરસ્પીડિંગમાં દંડની રકમમાં પણ વધારો કરવામાં આવ્યો છે. વીમા, RC બુક વિના વાહન ચલાવવા પર પણ દંડ છે. અકસ્માતની સંખ્યા ઘટાડવા માટે સરકારે આ દંડ લાગુ કર્યો છે. જોકે PUC વિના 30 સપ્ટેમ્બર સુધી જૂના નિયમ પ્રમાણે દંડ થશે. HSRP નંબર પ્લેટ માટે પણ એક માસની સમય મર્યાદા છે