ગુજરાતના નવા મુખ્યમંત્રી ભુપેન્દ્ર પટેલ બનાવ્યા છે.અમદાવાદના ઘાટલોડીયા વિધાનસભા બેઠક પરથી ધારાસભ્ય છે ભુપેન્દ્ર પટેલ. આનંદીબહેન પટેલના નજદીકી સાથીદાર અને ઔડાના પૂર્વ ચેરમેન ભુપેન્દ્ર પટેલ પાટીદાર સમાજનો મોટો ચહેરો છે..અમદાવાદમાં 2017ની વિધાનસભા ચૂંટણી માં આનંદી બહેનના પ્રસતાવ પર જ ભુપેન્દ્ર પટેલને ઘાટલોડિયા વિધાનસભા બેઠક પરથી ટીકીટ મળી હતી ભૂપેન્દ્રભાઈ પટેલઘાટલોડિયા વિધાનસભાની બેઠક પૂર્વ સીએમ આનંદીબેન પટેલની બેઠક ગણાય છે. આ બેઠક પર ભાજપે ભૂપેન્દ્ર રજનીકાંત પટેલને ટિકિટ આપી હતી. જેની સામે કોંગ્રેસે પાટીદાર ઉમેદવાર શશીકાંત પટેલને ઉતાર્યા હતા. વિધાનસભામાં સૌથી વધુ મતદારો ધરાવતા આ વિસ્તારમાં ભાજપના ઉમેદવાર ભૂપેન્દ્રભાઈને 1,17,750 મતની સરસાઈ સાથે કુલ 1,75,652 મત મેળવી વિજય મેળવ્યો હતો જ્યારે કોંગ્રેસના ઉમેદવાર શશીકાંત પટેલને 57,902 મત જ મળ્યાં હતા.
ધારાસભ્ય દળની બેઠકમાં વિજય રૂપાણીએ નવા મુખ્યમંત્રીના નામનો પ્રસ્તાવ મૂક્યો
Gujarat: BJP Legislative Party meeting underway in Gandhinagar to elect the new Gujarat CM pic.twitter.com/Uzfh8tTJy2
મુખ્યમંત્રીના નામને લઈ VTV ગુજરાતી પર સૌથી મોટા સમાચાર, પાર્લામેન્ટરી બોર્ડની બેઠકમાં સી આર પાટીલ, નીતિન પટેલ અને આર સી ફળદુના ચાલી રહ્યા છે નામ, પ્રફુલ પટેલ મુખ્યમંત્રીની રેસમાંથી બહાર
ભાજપની કોર કમિટીની બેઠક પૂર્ણ, ગુજરાતના નવા મુખ્યમંત્રીનું નામ નક્કી, હવે ધારાસભ્ય દળની બેઠકમાં મુખ્યમંત્રીના નામ પર ચર્ચા ચાલુ, થોડીવારમાં મુખ્યમંત્રીના નામની થશે મોટી જાહેરાત
પ્રફુલ પટેલનું નામ ચર્ચામાં
ગુજરાતનાં મુખ્યમંત્રી તરીકે પ્રફુલ પટેલના નામની ચર્ચા, દિલ્હીથી સૂત્રો દ્વારા મળતી માહિતી મુજબ અમિત શાહ અને પ્રફુલ પટેલ આવી શકે છે એક જ ફ્લાઇટમાં, પ્રફુલ પટેલને દિલ્હીથી તેડું આવતા બે દિવસથી દિલ્હીમાં ધામા
પ્રદીપસિંહ જાડેજાનું કમલમમાં આગમન
પ્રદીપસિંહ જાડેજા કમલમ પહોંચ્યા, સીએમની રેસમાં પ્રદીપસિંહનું પણ ચાલી રહ્યું છે નામ
સી આર પાટીલનું નામ ફરી ચર્ચામાં
રાજ્યમાં નવા CMને લઈને મોટા સમાચાર, સી આર પાટીલનું નામ ફરી આવ્યું ચર્ચામાં, કોર કમિટીની બેઠકમાં પાટીલના નામની ચર્ચા
નવા મુખ્યમંત્રીનો પ્રસ્તાવ વિજય રૂપાણી કરશે તેવી શક્યતા
નવા મુખ્યમંત્રીના નામ પર મંથન શરૂ, કમલમની કોર કમિટીમાં સીએમનું નામ નક્કી થાય બાદ ધારાસભ્ય દળની બેઠકમાં નામ મુકાશે, નામની જાહેરાત બાદ નવા મુખ્યમંત્રી સાથે આજે ધારાસભ્યો રાજ્યપાલને મળશે, નવા મુખ્યમંત્રીનો પ્રસ્તાવ વિજય રૂપાણી કરશે તેવી શક્યતા
સૌથી ચોંકવાનારું નામ સામે આવી શકે છે : સૂત્ર
ભારતીય જનતા પાર્ટીની અંદર નવા મુખ્યમંત્રીને લઈને ચર્ચા ચાલી રહી છે ત્યારે સૂત્રો અનુસાર પ્રધાનમંત્રી મોદી ફરીથી સરપ્રાઈઝ આપી શકે છે અને એક એવા નામની જાહેરાત કરી શકાય છે જે જાણીને સૌ કોઈ ચોંકી જાય અને ચર્ચામાં ચાલી રહેલા તમામ નામો કોરાણે મુકાઇ શકે છે.
ગુજરાતમાં આગામી સમયમાં નવા મુખ્યમંત્રીની જાહેરાત કરવામાં આવશે ત્યારે કમલમમાં ભારે હલચલ જોવા મળી રહી છે ત્યારે ભારતીય જનતા પાર્ટીનાં દિગ્ગજ નેતાઓ કાર્યાલયમાં પહોંચ્યા છે. આ બેઠક પહેલા આજે સવારે નિરીક્ષકો ગુજરાત આવ્યા હતા અને તે બાદથી જ એક બાદ એક મોટી બેઠકો કરવામાં આવી રહી છે. ભારતીય જનતા પાર્ટીનાં દિગ્ગજ નેતા અને પ્રદેશ પ્રમુખ પાટીલે પોતાના નિવાસ સ્થાને રાજ્યનાં જુદા જુદા નેતાઓ સાથે બેઠક કરી હતી.
કમલમમાં નક્કી થશે આગામી મુખ્યમંત્રી
કમલમમાં આજે ભારતીય જનતા પાર્ટીનાં કાર્યકર્તાઓ સહિત દિગ્ગજ નેતાઓ હાજરી આપી રહ્યા છે. કાર્યાલયમાં બપોરે બે વાગે કોર કમિટીની બેઠક મળવાની છે જેમા નવા મુખ્યમંત્રીનાં નામની ચર્ચા કરવામાં આવશે અને તે બાદ જે નામ નક્કી થાય તે નામ ધારાસભ્યોને જણાવવામાં આવશે.
3 વાગ્યે ધારાસભ્યોની બેઠક
કોર કમિટીમાં નક્કી થયેલ નામનો પ્રસ્તાવ રૂપાણી જ ધારાસભ્યો સામે કરશે અને તે બાદ આખા રાજ્યમાં નવા સીએમની જાહેરાત કરવામાં આવશે.
નોંધનીય છે કે આજે કેન્દ્રને નિરીક્ષકો, ભૂપેન્દ્ર યાદવ, માંડવીયા, નીતિન પટેલ અને પાટિલ તથા રૂપાણી સહિત આખા રાજ્યના ભાજપ ધારાસભ્યો કાર્યાલયમાં પહોંચ્યા હતા.
કોણ કોણ પહોંચ્યું કમલમ :
ભાજપની અંદર ભારે હલચલ
ગુજરાતને આજે નવા મુખ્યમંત્રી મળવા જઈ રહ્યા છે, વિજય રૂપાણીનાં રાજીનામાં બાદ આખા રાજ્યમાં ભારે હલચલ છે અને કમલમમાં તડામાર તૈયારીઓ કરવામાં આવી રહી છે. કેન્દ્રથી ઘણા બધા મોટા નેતાઓ તથા ત્રણ નિરીક્ષકો ગુજરાતમાં આવેલા છે અને ધારાસભ્ય દળની બેઠકમાં નવા નામનું એલાન કરવામાં આવશે ત્યારે નવા નામને લઈને સૌથી મોટા સમાચાર સામે આવી રહ્યા છે. ગુજરાતનો નવો સીએમ કોણ હશે તેનો અંતિમ નિર્ણય અંતે તો ભાજપ હાઇકમાન્ડ જ કરશે ત્યારે પાર્લામેન્ટ્રી બોર્ડમાં ત્રણ નામો સામે આવી રહ્યા છે.
નીતિન પટેલ અને પાટીલનાં નામોની ચર્ચા
ભાજપ પાર્લામેન્ટ્રી બોર્ડની અંદર માત્ર ત્રણ નામો પર જ ચર્ચા ચાલી રહી છે. સી આર પાટીલની સાથે સાથે નીતિન પટેલ અને આર.સી.ફળદુના નામની પણ ચર્ચા કરવામાં આવી રહી છે. નીતિન પટેલ રાજ્યનાં સૌથી મોટા ભાજપ પાટીદાર નેતા કહી શકાય અને અત્યારે તેમનું નામ જ સૌથી વધારે આગળ ચાલી રહ્યું હોવાની ચર્ચા છે ત્યારે ભાજપ પાર્લમેન્ટરી બોર્ડ છેલ્લે કોના માથે કળશ ઢોળે છે તેના પર સૌ કોઇની નજર છે ત્યારે અત્યારે તો ત્રણ નામો સૌથી વધારે ચર્ચામાં છે.
લોકપ્રિય ચહેરાને સીએમ બનાવાશે : નીતિન પટેલ
નીતિન પટેલે વધુમાં કહ્યું હતું કે રાષ્ટ્રીય નેતૃત્વ દ્વારા ગુજરાતનાં નવા CM માટે જે સૂચનો આવશે તેના આધારે નિર્ણય લેવામાં આવશે. નીતિન પટેલે કહ્યું કે એવા વ્યક્તિની જ મુખ્યમંત્રી તરીકે પસંદગી કરવામાં આવશે જે બધાને સાથે લઈને ચાલી શકે અને આખું ગુજરાત જેને ઓળખતું હોય તેને CM બનાવવામાં આવશે. મોદી સાહેબનાં નેતૃત્વમાં ગુજરાતને પ્રબળ નેતૃત્વ પ્રાપ્ત, બધાને ગમતા લોકપ્રિય ચહેરાની પસંદગી પાર્ટી કરશે. નીતિન પટેલે કહ્યું હતું કે આગામી સવા વર્ષ ખૂબ જ પડકારજનક રહેવાનું છે તેથી તેવું કરી શકે તેવા લોકપ્રિય CM આવે તેવું પાર્ટી કરી શકે છે. સવા વર્ષમાં કામ સહેલું નથી રહેવાનું, ભાજપને વધુ મજબૂત કરી બધાને સાથે લઈને કામ કરવું પડશે, બધુ જ કામ નવી સરકારે કરવાનું રહેશે.
ત્રણ નામો પર ચર્ચા
નીતિન પટેલનાં ઘરની સુરક્ષા વધારી દેવામાં આવી
ગુજરાતનાં નવા મુખ્યમંત્રી કોણ હશે તેના પર સસ્પેસ યથાવત છે અને રાજ્યમાં પાટીદાર મુખ્યમંત્રી આવે તેવી પ્રબળ શક્યતાઓ છે ત્યારે રાજ્યના પૂર્વ નાયબ મુખ્યમંત્રી અને દિગ્ગજ પાટીદાર નેતા નીતિન પટેલનાં ઘરની સુરક્ષા વધારી દેવામાં આવી છે. નીતિન પટેલનાં ઘરે પોલીસનો ચુસ્ત બંદોબસ્ત છે અને સુરક્ષાનાં ભાગ રૂપે નીતિન પટેલનાં ગાડીની પણ તપાસ કરવામાં આવી છે. એવામાં એવા સંકેત મળી રહ્યા છે કે નીતિન પટેલને જ ગુજરાતનું સિંહાસન સોંપી દેવામાં આવે. જોકે અંતે ભાજપનું હાઇકમાન્ડ સરપ્રાઈઝ આપે તો પણ નવાઈ નહીં, આજે જ ભાજપનાં ધારાસભ્યોની બેઠક બોલાવવામાં આવી છે જેમા નવા નામની જાહેરાત કરવામાં આવશે.
ધારાસભ્યમાંથી જ કોઈ એક CM હશે: નરેન્દ્રસિંહ તોમર
કેન્દ્રથી નરેન્દ્ર સિંહ તોમર અને તરુણ ચુગ ગુજરાત આવેલા છે અને પાટિલનાં નિવાસ સ્થાને આ મુદ્દે બેઠક કરવામાં આવી છે. આ બેઠક પહેલા એરપોર્ટ પર નરેન્દ્ર સિંહ તોમરે મોટું નિવેદન આપ્યું હતું. તોમરે કહ્યું કે જે પણ મુખ્યમંત્રી હશે તે ધારાસભ્યોમાંથી જ કોઈ હશે. તોમરે કહ્યું કે ધારાસભ્યો સાથે ચર્ચા કરવામાં આવશે અને અમે પાર્ટી અધ્યક્ષ સાથે ચર્ચા કરીને નવા મુખ્યમંત્રી અંગે ચર્ચા કરીશું.