IPLIN
 

સ્થાનિક સ્વરાજ્ય / 6 મનપાની ચૂંટણીના પરિણામો બાદ PM મોદી થયાં ગદ્દગદ, જુઓ ગુજરાતની પ્રજાને શું લખ્યો સંદેશ

Team VTV 07:51 PM, 23 Feb 21 | Updated: 10:29 PM, 23 Feb 21
Follow us
Gujarat municipal corporation election 2021 result pm modi amit shah cm rupani

ગુજરાતમાં 6 મનપામાં ભાજપની પ્રચંડ જીત મળી છે. શહેરી વિસ્તારમાં ભાજપ પર વિશ્વાસ અકબંધ છે. અમદાવાદ, સુરત, રાજકોટ, વડોદરા, જામનગર અને ભાવનગરમાં પણ ભાજપની ભવ્ય જીત થઇ છે.

  • 6 મનપામાં ભાજપની પ્રચંડ જીત મળી
  • પ્રધાનમંત્રી મોદી અને અમિત શાહે આભાર વ્યક્ત કર્યો
  • મુખ્યમંત્રી વિજય રૂપાણીએ કહ્યું- આભાર

ગુજરાતની સ્થાનિક સ્વરાજ્યની ચૂંટણીના પરિણામો જાહેર થઇ ચૂક્યા છે. જેમાં ભાજપે ફરી એક વખત શાનદાર પ્રદર્શન કર્યું છે. ભાજપને અમદાવાદ, સુરત, જામનગર, રાજકોટ, વડોદરા અને ભાવનગર મહાનગરપાલિકામાં બહુમતિ મળી ગઇ છે. ત્યારે ગુજરાતના મુખ્યમંત્રી વિજય રૂપાણી, પ્રધાનમંત્રી નરેન્દ્ર મોદી અને ગૃહમંત્રીએ ટ્વિટ કરીને ગુજરાતની જનતાનો આભાર માન્યો છે.

થેન્ક્યુ ગુજરાતઃ PM મોદી

ગુજરાતની તમામ 6 બેઠકો પર ભાજપની બહુમતિ આવતા પ્રધાનમંત્રી નરેન્દ્ર મોદીએ આભાર માન્યો. ટ્વિટ કરીને લખ્યું, 'થેન્ક્યુ ગુજરાત. પરિણામો દર્શાવે છે કે લોકોને વિકાસની રાજનીતિ પર વિશ્વાસ. ભાજપ પર ફરી વિશ્વાસ મુકવા બદલ લોકોનો આભાર. ગુજરાતની સેવા કરવી હંમેશા ગૌરવની બાબત છે.'

પીએમ મોદીએ લખ્યું કે, હું દરેક કાર્યકારીના પ્રયત્નોની પ્રશંસા કરવા માંગું છું. ગુજરાત ભાજપ જે લોકો સુધી પહોંચી અને રાજ્ય માટે પાર્ટીની દ્રષ્ટિ વિસ્તૃત કરી. ગુજરાત સરકારની લોક-તરફી નીતિઓએ સમગ્ર રાજ્યને સકારાત્મક અસર કરી છે.

પીએમ મોદીએ લખ્યું કે, આજની ગુજરાતમાં જીત ખૂબ જ મહત્વની છે. આવી અસાધારણ રેકોર્ડ જીત અપાવવા માટે બે દાયકાથી રાજ્યમાં સેવા આપતી પાર્ટી માટે નોંધપાત્ર છે. સમાજના તમામ વર્ગ, ખાસ કરીને ગુજરાતના યુવાનો ભાજપ તરફના લોકોનું વ્યાપક સમર્થન જોતા આનંદદાયક છે.

ગૃહમંત્રી અમિત શાહે પણ માન્યો આભાર

સ્થાનિક સ્વરાજની ચૂંટણીમાં ભાજપની જીત બાદ અમિત શાહે નિવેદન પણ આપ્યું હતું. અમિત શાહે કહ્યું કે, અત્યાર સુધીની સારામાં સારી જીતનો આંકડો આજે નોંધાયો છે. પરિણામ પરથી સ્પષ્ટ છે તે ગુજરાત ભાજપનો ગઢ. ભાજપ પર વિશ્વાસ મુકવા બદલ જનતાનો આભાર. કોંગ્રેસે આત્મચિંતન કરવાની જરૂર છે. કોંગ્રેસ માત્ર 44 બેઠક પુરથી સિમીત રહી ગઇ છે. ગુજરાતમાં ભાજપને સંપૂર્ણ વિજય મળ્યો છે. કોંગ્રેસનો કોર્પોરેશનમાં કારમો પરાજય મળ્યો છે.

અમિત શાહે ટ્વિટ કરીને લખ્યું કે, પ્રધાનમંત્રી નરેન્દ્ર મોદીજીના નેતૃત્વ હેઠળ કેન્દ્ર અને રાજ્ય સરકાર ગરીબ, પછાત અને વંચિત વર્ગના કલ્યાણની સાથે સાથે રાજ્યના વિશ્વસ્તરીય વિકાસ માટે સતત કામ કરી રહી છે. આ પ્રચંડ વિજય ભાજપની નીતિ અને નિયતમાં લોકોના અવિશ્વસનીય વિશ્વાસનું પ્રતીક છે.

અમિત શાહે લખ્યું કે, મહાનગરોની સ્થાનિક સ્વરાજય ચૂંટણીમાં ભાજપના વિકાસ અને પ્રગતિના પ્રતીક ઉપર ફરીથી વિશ્વાસ કરવા બદલ હું ગુજરાતની જનતાને હૃદયપૂર્વક અભિનંદન આપું છું. આ ભવ્ય વિજય માટે સી.આર. પાટીલ, મુખ્યમંત્રી વિજય રૂપાણી, નાયબ મુખ્યમંત્રી નીતિન પટલે અને તમામ ઉર્જાવાન કાર્યકરોને ખૂબ ખૂબ અભિનંદન.

મુખ્યમંત્રી વિજય રૂપાણીએ કહ્યું- આભાર

મુખ્યમંત્રી વિજય રૂપાણીએ ટ્વિટ કરીને કહ્યું કે, સમગ્ર 6 મહાનગરોના મતદારોનો આભાર માનું છું. આ ચૂંટણીમાં સખત પરિશ્રમ કરનારા ભાજપાના તમામ કાર્યકર્તાઓને ખૂબ ખૂબ ધન્યવાદ આપું છું. ગુજરાતની જનતાને ખાતરી આપું છું કે ભાજપામાં મૂકેલા વિશ્વાસને ભાજપા એળે જવા દેશે નહીં. આવનારા દિવસોમાં 6 મહાનગરપાલિકાઓના વિકાસ માટે સરકાર કોઇ કચાશ રાખશે નહીં.

વર્ષોથી કોર્પોરેશનમાં ભારતીય જનતા પાર્ટીને શહેરના વિકાસની જવાબદારી સોંપીને ગુજરાતની જનતાએ રાજકીય વિશ્લેષણ કરનારા લોકોને એન્ટી ઇન્કમ્બન્સી શબ્દ ગુજરાતને લાગુ જ ના પડતો હોય એવો અભ્યાસ કરવા માટેનો વિષય ગુજરાતની જનતાએ વિજય અપાવીને બનાવ્યો છે.

પ્રધાનમંત્રી નરેન્દ્ર મોદી અને કેન્દ્રીય ગૃહમંત્રી અમિત શાહના ગુજરાતે ભવ્ય વિજય અપાવીને, ગુજરાત ભારતીય જનતા પાર્ટીનો ગઢ છે એ ફરી વખત સાબિત કર્યું છે. 

નાયબ મુખ્યમંત્રી નીતિન પટેલે પણ આભાર વ્યક્ત કર્યો

નાયબ મુખ્યમંત્રી નીતિન પટેલે કહ્યું કે, 'સ્થાનિક સ્વરાજની 6 મહાનગરપાલિકાઓની ચૂંટણીમાં ભારતીય જનતા પાર્ટીનો ભવ્ય વિજય થયો તે બદલ વિજયી થનાર સર્વ ઉમેદવારો, ભાજપના સર્વ હોદ્દેદારો, કાર્યકર્તાઓ અને ગુજરાતના સર્વ મતદાતાઓનો ખૂબ ખૂબ આભાર અને અભિનંદન...'

 

 

PM modi Local Body Elections Result 2021
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ