સાવધાન! / Viral Audio: ગુજરાતથી આ જગ્યાએ જાવ તો લૂંટાઇ જશો, 'ગાડી રોકો હું પોલીસ છું' કહી રસ્તામાં લૂંટફાટ કરાતી હોવાનો દાવો

• મુંબઈ જતા લોકોને સાવચેત કરતો ઓડિયો વાયરલ
• ચારોટી ટોલ નાકા પાસે લૂંટફાટ ચાલુ થઇ હોવાની ઓડિયોમાં વાત
• ગુજરાતથી મુંબઈ જતા લોકોને સાવધાની રાખવાની સલાહ

સુરતના યુવકે ઓડિયો વાયરલ કરીને ગુજરાતથી મુંબઈ જતા લોકોને સાવધાની રાખવાની સલાહ આપી છે. વાયરલ ઓડિયોમાં તેઓ વાત કરી રહ્યા છે કે, ચારોટી ટોલ નાકા પાસે લૂંટફાટ ચાલુ થઇ રહી છે. એકબીજાની મદદથી આગળ વધવા તેઓ જણાવી રહ્યા છે.

'ગાડી રોકો હું પોલીસમાં છું'

ઓડિયોમાં યુવક કહી રહ્યો છે કે, મુંબઇ જતા લોકો રસ્તામાં ગાડીઓને લૂંટવાના પ્રયાસો થાય છે. રોકવા માટે ગાડીઓના કાચ તોડી નાખવામાં આવે છે. પોલીસના નામે પણ લૂંટ કરવામાં આવે છે. ગાડી ઉભી ન રાખો તો પીછો પણ કરવામાં આવે છે. તેમ છતા પણ તમે ગાડી ઉભી ના રાખતા સ્પીડમાં ચલાવજો અને ધ્યાન રાખજો. જો તમને સુરતની ગાડી જોવા મળે તો સપોર્ટ કરજો. 2-3 ગાડી સાથે રાખીને જજો. આ વિસ્તારોમાં સાંજથી સવાર સુધી લૂંટ કરવામાં આવે છે. એકબીજાની મદદ પણ કરજો. જોકે આ વાયરલ વીડિયોની VTV પુષ્ટિ નથી કરતું. પરંતુ સાવધાની રાખવી જરૂરી છે.

મહત્વનું છે કે, આ રોડ પર અગાઉ પણ અનેક ઘટનાઓ સામે આવી ચૂકી છે. ત્યારે હવે આ ઓડિયો સોશિયલ મીડિયામાં વાયરલ થતા પ્રવાસીઓમાં ડરનો માહોલ સર્જાઇ રહ્યો છે.