વિરોધ / મોડાસામાં હિટ એન્ડ રનની ઘટનામાં યુવકના મોતથી હંગામો, સ્થાનિકોએ રોડ પર કર્યો ચક્કાજામ

• મોડાસામાં હિટ એન્ડ રનમાં યુવકના મોતને પગલે ગ્રામજનોએ કર્યો ચક્કાજામ
• મોર્નિંગવૉક પર નીકળેલા વીજકર્મીના મોતથી હંગામો
• યુવકના મોતથી ગ્રામજનોમાં રોષ  
• અકસ્માતના પાંચ કલાક બાદ પણ લાશ ન સ્વીકારાઈ 

અરવલ્લીના મોડાસામાં હિટ એન્ડ રનની ઘટનામાં એક યુવાનું મોત થયુ હતુ. આ અકસ્માત બાદ સ્થાનિકોએ હોબાળો કર્યો હતો. એટલું જ નહીં પરંતુ રોડ પર સ્પીડ બ્રેકર અને ડિવાઇડર બનાવવા માંગણી કરી હતી.  

પૂર્વ કોર્પોરેટર પણ રોડ પર બમ્પ અને ડિવાઈડરની કરી માંગણી સાથે વિરોધમાં જોડાયા

અરવલ્લી મોડાસાના મેઘરજ રોડ પર  હિટ એન્ડ રનની  ઘટના બની છે. જેમાં  એક યુવકનું મોત થઇ ગયું છે. મોર્નિગ વોક પર નીકળેલા વીજકર્મી યુવાનનું મોત થઇ જતાં સ્થાનિકો રોષે ભરાયા હતા. આ રોડ પર ડિવાઇડર અને સ્પી઼ડ બ્રેકર બનાવવા માટે માંગણી કરી હતી. વિફરેલા સ્થાનિકોએ પાંચ કલાક સુધી લાશ સ્વીકારી ન હતી. આખરે પોલીસે દરમિયાગીરી કરીને લોકોને સમજાવવા માટે પ્રયાસ કર્યો હતો. પૂર્વ કોર્પોરેટર પણ રોડ પર બમ્પ અને ડિવાઈડરની કરી માંગણી સાથે વિરોધમાં જોડાયા હતા.