નેતાઓના રાજકીય તાયફાઓ બાદ રાજ્યમાં કોરોના વાયરસના કેસ વધ્યા છે ત્યારે હવે વિધાનસભાની અંદર જ ધારાસભ્યો માસ્કનું મજાક બનાવતા કેમેરામાં કેદ થઈ ગયા છે.
કોરોનાની ગાઈડલાઈન્સને મજાક બનાવતા ધારાસભ્યો
અનેક ધારાસભ્યો નામ માત્રનું માસ્ક પહેરીને આવ્યા
વિધાનસભા સંકુલમાં બિનદાસ્ત ફરી રહ્યા હતા ધારાસભ્યો
માસ્કને મજાક બનાવતા ધારાસભ્યો કેમેરામાં થયા કેદ
ગુજરાતમાં કોરોના વાયરસના કેસમાં વધારો થઈ રહ્યો છે અને સરકાર કહી રહી છે કે હવે તો કડકાઇ કરવામાં આવશે અને નિયમોનું પાલન કરાવવા માટે તંત્ર પણ સફાળું જાગી ગયું છે ત્યારે વિધાનસભામાં માસ્કના નિયમોને મજાક સમજતા ધારાસભ્યો જોવા મળ્યા છે.
ધારાસભ્યો ગળામા માસ્ક લટકાવેલુ રાખે તો કોઈ દંડ નહીં!
માસ્કને લઈને ખાસ કરીને કડકાઇ કરવામાં આવી રહી છે અને છેલ્લા એક વર્ષમાં માસ્ક ન પહેરવાને લઈને કરોડો રૂપિયાનો દંડ ભેગો થઈ ગયો છે. સામન્ય જનતા સામે માસ્કને લઈને એવા કડક નિયમ છે કે જો માસ્ક નાકથી નીચે પણ હોય તો દંડ લઈ લેવામાં આવે છે ત્યારે આજે VTVના કેમેરામાં આ જ નિયમના ધજાગરા ઉડાવતા ધારાસભ્યો કેદ થઈ ગયા છે.
મોહનસિંગ રાઠવા, અને આર.સી.પટેલે પણ માસ્કને જાણે મજાક બનાવ્યું
નાગરિકો ગળામાં માસ્ક લટકાવેલુ રાખે તો દંડાય છે ત્યારે વિધાનસભામાં આજે અનેક ધારાસભ્યો નામ માત્રનું માસ્ક પહેરીને આવ્યા હતા. ધારાસભ્યો ગળામા માસ્ક લટકાવેલુ રાખે તો કોઈ દંડ થતો નથી. સંગીતા પાટીલ, કાળુભાઈ ડાભીએ નામ પુરતુ જ માસ્ક પહેર્યુ હતું. મોહનસિંગ રાઠવા, અને આર.સી.પટેલે પણ માસ્કને જાણે મજાક બનાવ્યું હોય તેમ માસ્ક લટકાવી લીધું હતું. અભેસિંહ તડવીએ પણ માસ્ક પહેર્યુ કે ન પહેર્યુ એવો ઘાટ જોવા મળ્યો ત્યારે આ બધા ધારાસભ્યો કેમેરામાં કેદ થઈ ગયા છે.