ગુજરાતમાં સબ સલામતના દાવાઓ વચ્ચે છેલ્લા બે વર્ષનાં દુષ્કર્મનાં આંકડા આપને ચોંકાવી દેશે, રાજ્યમાં છેલ્લા 24 મહિનામાં બની 3095 દુષ્કર્મની ઘટના સામે આવી
રાજ્યમાં 2 વર્ષમાં 3095 દુષ્કર્મના કેસ
અમદાવાદમાં સૌથી વધુ 620 ઘટના
દુષ્કર્મની ઘટનામાં સુરત બીજા નંબરે
ગુજરાતમાં મહિલા અને યુવતીઓ સુરક્ષિત છે તેવા દાવાઓ કરવામાં આવે છે પરતું સબસલામતની વાતો વચ્ચે ચોંકાવનારા આંકડાઓ સામે આવ્યા છે જે જાણી આપના હોશ ઉડી જશે ગુજરાતમાં દૈનિક ચાર જેટલી દુષ્કર્મની ઘટનાઓ બને છે જો રાજ્યમાં છેલ્લા બે વર્ષની વાત કરવામાં આવે તો બે વર્ષમાં 3095 જેટલી દુષ્કર્મની ઘટનાઓ સામે આવી છે. ગુજરાતમાં સૌથી વધુ દુષ્કર્મની ઘટના અમદાવાદમાં અને ત્યાર બાદ સુરતમાં ઘટી છે રાજ્યમાં સૌથી વધારે અમદાવાદ શહેરમાં દુષ્કર્મની 620 ઘટનાઓ બની છે.જ્યારે સુરતમાં છેલ્લા બે વર્ષમાં 465 દુષ્કર્મના કેસ નોંધાયા છે. એક અહેવાલ મુજબ રાજ્યમાં રોજ 4 દુષ્કર્મના બનાવો બને છે.
દુષ્કર્મની સૌથી વધુ ઘટનામાં સુરત બીજા નંબરે
દુષ્કર્મના બનાવોના આ આંકડાઓ વચ્ચે સુરતમાં કિશોરી સાથે દુષ્કર્મની વધુ એક ઘટના સામે આવી છે. વરાછાના બરોડા પ્રિસ્ટેજ વિસ્તારમાં કિશોરી સાથે દુષ્કર્મની ઘટના બની છે. ચોકલેટની લાલચ આપી 12 વર્ષની કિશોરી સાથે દુષ્કર્મ આચરવામાં આવ્યું હોવાનું સામે આવતા વરાછા પોલીસે ફરિયાદ નોંધી. પોલીસે આરોપી સંતોષ ચૌહાણની અટકાયત પણ કરી છે. વરાછા પોલીસે સંતોષ ચૌહાણની પૂછપરછ શરૂ કરી છે. જો વાત કરવામાં આવે તો અમદાવાદ બાદ સુરતમાં દુષ્કર્મના કેસનું પ્રમાણ વધુ છે. બે વર્ષમાં સુરતમાં 465 દુષ્કર્મના ગુના નોંધાયા છે. રાજ્યમાં દુષ્કર્મનો આંકડો નોંધાયેલા આંકડા કરતા વધુ હોય શકે છે કેમ કે આ એ આંકડાઓ છે જે સરકારી કે પોલીસ ચોપડે નોંધાયેલા છે. ઘણીવાર શરમ અને સમાજનાં ડરનાં કારણે જે મહિલા પર દુષ્કર્મ થયો હોય છે તે ફરિયાદ નોંધાવતી નથી તો પરિવાર દ્વારા આવા ગુનાઓ બહાર ન આવે તે માટે પરિવારજનો દ્વારા દબાવી દેવામાં આવે છે.
અમદાવાદમાં સૌથી વધુ દુષ્કર્મની 620 ઘટના
અગાઉ વિધાનસભા ગૃહમાં છેલ્લાં 2 વર્ષ દરમિયાન ગુજરાતમાં ગુનાખોરી અંગેના પુછાયેલા પ્રશ્નોમાં માહિતી સામે આવી હતી કે ગુજરાતમાં દરરોજની 20 આત્મહત્યા, 4 કરતાં વધુ બળાત્કાર, 30 જેટલી ચોરી કેસ સામે આવે છે. જ્યારે દરરોજના 57 જેટલાં અપમૃત્યુ અને 37 લોકો આકસ્મિત રીતે મોતને ભેટતા હોવાનું રાજ્ય સરકારે વિધાનસભા ગૃહમાં સ્વીકાર્યું હતું. ઉપરાંત રોજનાં 7 અપહરણ, બે કરતાં વધુ લૂંટ તેમજ 3 જેટલાં ખૂનની ઘટના પોલીસ ચોપડે નોંધાય છે. આવા ગંભીર ગુનામાં સંડોવાયેલા 4043 આરોપીની ધરપકડ કરવાની હજુ બાકી હોવાનું પણ સરકારે વિધાનસભા ગૃહમાં સ્વીકાર્યું હતું.
રાજ્યમાં છેલ્લા 2 વર્ષમાં 3095 દુષ્કર્મના કેસ
રાજ્યમાં છેલ્લાં બે વર્ષમાં 1944 હત્યા, 1520 લૂંટ, 3095 બળાત્કાર, 21995 ચોરી, 14410 આપઘાત, 4829 અપહરણ, 2589 રાયોટિંગ, 18523 હત્યાના પ્રયાસ, 41493 અપમૃત્યુ જેવી ઘટનાઓ ઘટી છે. આ સમગ્ર ઘટનાઓમાં સૌથી વધુ સુરત શહેર તેમજ જિલ્લામાં ક્રાઈમ કેસ નોંધાયા છે, જ્યારે બીજા નંબર પર અમદાવાદ શહેર તેમજ જિલ્લાનું નામ આવે છે. જ્યારે અત્યારસુધીમાં પોલીસ 4043 આરોપીની ધરપકડ કરવામાં પણ નિષ્ફળ રહી છે તો બીજી તરફ રાજ્યમાં દારુ, અફીણ, ગાંજો અને ચરસ જેવાં નશીલા પદાર્થોનું વેચાણ પણ વધ્યું છે.