Budget 2022 / 100 વર્ષનું આયોજન નરેન્દ્રભાઈ જ કરી શકે, 25 વર્ષની બ્લુ-પ્રિન્ટ આપી છે આ બજેટમાં

• કેન્દ્રીય બજેટને ગુજરાતના મંત્રી અને દિગ્ગજ નેતાઓએ આવકાર્યું 
• CMએ બજેટને યુવાઓ, મહિલાઓ, ખેડૂતોનુ ગણાવ્યુ
• સામાન્ય લોકોની અપેક્ષા પ્રમાણેનું બજેટ - પાટીલ

CMએ બજેટને યુવાઓ, મહિલાઓ, ખેડૂતોનુ ગણાવ્યુ

કેન્દ્રીય નાણામંત્રી નિર્મલા સીતારમણે આજે લોકસભામાં આગામી વર્ષનું બજેટ રજૂ કર્યું હતું. જે અંગે મુખ્યમંત્રી ભૂપેન્દ્ર પટેલે પોતાની પ્રતિક્રિયા આપતાં જણાવ્યું કે, આ બજેટ PM મોદીની આત્મનિર્ભર ભારતની નેમને પુર્ણ કરનારુ છે. કેન્દ્ર સરકાર કોરોના મહામારીમાં અર્થતંત્ર ઝડપી બેઠું થાય તે માટે પ્રયાસ કરી રહી છે.આ બજેટમાં દરેક વર્ગની આવરી લેવાયો છે. તેમજ તેમણે આ બજેટને આત્મનિર્ભર માટે ચાર પાયા આધારિત ગણાવ્યું છે. 

સામાન્ય લોકોની અપેક્ષા પ્રમાણે હતું બજેટ - પાટીલ

નાણામંત્રી આજે લોકસભામાં આગામી વર્ષ માટે રજૂ કરેલા બજેટને સામાન્ય લોકોની અપેક્ષા મુજબનું જણાવ્યું હતું. તેમણે કહ્યું હતું કે, આ બજેટમાં હીરા ઉદ્યોગને બજેટમાં રાહત આપવામાં આવી છે. આ સાથે આ બજેટમાં ખેડૂતો માટે પણ અનેક સહાયની જાહેરાત કરાઈ છે. જેનાથી ખેતીનું ઉત્પાદન વધશે અને ખેડૂતો સમૃદ્ધ બનશે. 

દેશના વિકાસને આગળ ધપાવનારૂ બજેટઃ વાઘાણી

નાણામંત્રી રજૂ કરેલા બજેટ પર રાજ્ય સરકારના શિક્ષણમંત્રી અને પ્રવક્તા જીતુ વાઘાણીએ પ્રતિક્રિયા આપતાં જણાવ્યું હતું કે,  આ બજેટ દેશના વિકાસને આગળ ધપાવનારૂ છે. આ બજેટથી  યુવાનો માટે અનેક તક ઉભી થશે. તેમજ ડિજિટલ યુનિવર્સિટી સ્થાપવાનું પગલું ઘણું આવકારદાયક છે.  આ સાથે અર્થવ્યવસ્થાને ઝડપી આગળ લઇ જવાનો પ્રયાસ કરાશે. 

કેન્દ્રીય બજેટ બ્રિજેશ મેરજાનું નિવેદન

નાણામંત્રી નિર્મલા સીતારમણે કેન્દ્રીય બજેટ રજૂ કરી દીધું છે. આ બજેટને ગુજરાત સરકારના મંત્રીઓએ આવકાર્યું છે.મંત્રી બ્રિજેશ મેરજાએ કહ્યું કે, વાયબ્રન્ટ વિલેજનો નવો આયામ આવી રહ્યો છે. સરહદી ગામો પર ખાસ ધ્યાન આપવામાં આવ્યું છે.  કૌશલ્ય અને આજીવિકા માટે ડિજિટલ ઇકો સિસ્ટમ પોર્ટલ શરૂ કરાશે.રોજગારીની નવી તકો ઉભી કરી છે. તો બજેટને લઇને મંત્રી જગદીશ વિશ્વકર્માએ કહ્યું કે,મેક ઇન ઇન્ડિયા થકી રોજગારી ઉભી થશે. સરકારી સંસ્થાઓને ટેક્સમાં રાહત આપી છે. નાણાંકીય અને ટેક્નિકલ કોર્સ ગિફ્ટ સિટીમાં શરૂ કરાશે.