મહેસાણા / મહેસાણામાં માતા અને દીકરીનો આપઘાત, નર્મદા કેનાલમાં પડતું મૂકી જીવન ટુંકાવ્યું

લોકો હવે નાની નાની બાબતે પણ જીવન ટૂંકાવવાનું પગલું ભરતા જરા પણ વિચારતા ન હોય તેમ આપઘાતની ઘટનાઓ વધી રહી છે. આજે વધુ એક ઘટના મહેસાણાથી સામે આવી છે. જ્યાં માતાએ દીકરી સાથે નર્મદા કેનાલમાં મોતની છલાંગ લગાવી છે.

માતા - પુત્રીનો આપઘાત

નર્મદા કેનાલમાંથી માતા પ્રીતિકાબેન અને પુત્રી પિનલનો મૃતદેહ મળ્યો છે. ધોરણ-3માં ભણતી દીકરીને લઈ માતાએ મોતની છલાંગ લગાવી હતી. પાપ્ત વિગતો મુજબ મૃતકો સાણંદના મખીયાવ ગામના રહેવાસી હોવાનું સામે આવ્યું છે. પોલીસે કેનાલ પાસે તપાસ હાથ ધરતા પોલીસને ચિઠ્ઠી, મોબાઈલ અને 1 થેલી મળી આવી છે. ચિઠ્ઠીમાં કણજરી ગામના નટુ જોડેથી 30 હજાર લેવાના હોવાનો ઉલ્લેખ પણ છે.

આ પણ વાંચો: જૂનાગઢમાં ગેસ ગળતરથી 2 લોકોના મોત, સેફ્ટી ટેંક સાફ કરતા સમયે બની ઘટના

પોલીસે સમગ્ર મામલે તપાસ શરૂ કરી

પ્રાથમિક તપાસમાં આપઘાતનો કારણ એવુ ખુલ્યું છે કે, રૂપિયા પાછા ન મળતા રસીકની બીક લાગતી હોવાથી આ પગલુ ભર્યું હોઈ શકે ત્યારે સમગ્ર આ મામલે પોલીસે વધુ તપાસ તેજ કરી છે. જો કે, ઘટનાના પગલે પથંકમાં સન્નાટો વ્યાપી જવા પામ્યો છે તો પરિવારમાં શોકનું મોજું ફરી વળ્યું છે

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ